SQO trassasynda Audi men MAZ soqtyǵysyp, bir adam qaza tapty

<p>Soltústik Qazaqstan oblysynyń Mamlıýt aýdanynda Audi men MAZ kólikteri soqtyǵysty. Jeńil kóliktiń júrgizýshisi qaza boldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

SQO Polıtsııa departamenti baspasóz qyzmetiniń málimetinshe, jol-kólik oqıǵasy «Mamlıýtka-Qostanaı» respýblıkalyq mańyzy bar avtojolynyń 7 shaqyrymynda boldy.

Audi men MAZ-dyń soqtyǵysýy saldarynan jeńil kóliktiń 53 jastaǵy júrgizýshisi Mamlıýt aýdandyq aýrýhanasynda kóz jumdy.

MAZ kóligin 33 jastaǵy er adam tizgindegen. Medıtsınalyq kýálandyrý onyń spırtti ishimdik ishpegenin kórsetti. Kólikter arnaıy turaqqa qoıyldy.

Bul fakti QR Qylmystyq kodeksiniń 345-baby 3-tarmaǵy boıynsha Sotqa deıingi tergep-tekserýlerdiń biryńǵaı tizilimine engizildi.

Qazirgi ýaqytta istiń barlyq mán-jaıyn anyqtaý maqsatynda sotqa deıingi tergeý júrip jatyr. Onyń qorytyndysy boıynsha protsestik sheshim qabyldanbaq.