SQO tártip saqshylary mas kúıinde kólik tizgindegen 16 júrgizýshini ustady

<p>PETROPAVL. KAZINFORM &ndash; Sáýirdiń 26-sy men 28-i aralyǵynda Soltústik Qazaqstan oblysynyń joldarynda mas kúıinde 16 júrgizýshi anyqtaldy. Olardyń ekeýi esirtkige masaıyp alyp, kólik tizgindegeni belgili boldy. Bul týraly SQO PD baspasóz qyzmeti málimdedi.</p>

Joldardaǵy tekserýler «Quqyqtyq tártip» jedel aldyn alý is-sharasy aıasynda kúsheıtildi. Sondaı-aq, Jol qozǵalysy erejelerin óreskel buzýy, jyldamdyqty arttyrýdyń 111 jáne jol qıylysy erejelerin buzýdyń 17 faktileri anyqtaldy.

«Al Ýálıhanov aýdany 41 jastaǵy turǵynyń „Mitsubishi Pajero sport“ avtokóligin tekserý kezinde kóliginen 12 kalıbrli 2 patron tabyldy. Onyń aıtýynsha, ol ańshylyqtan keıin oq-dárilerdi alyp tastaýdy umytyp ketken. Oǵan qatysty azamattyq qarý aınalymy erejelerin buzý faktisi boıynsha hattama toltyryldy», — delingen habarlamada.

Jalpy 3 kúnniń ishinde oblysta 2 birlik tirkelmegen tegis uńǵyly qarý men 17 birlik oq-dáriler tárkilendi.

«Budan basqa, barlyq jumys jelileri kúsheıtildi, qyzmetkerler 2 myńnan astam esepke alynǵan adamdardy tekserip, jaldamaly páterlerdi, qaraýsyz qalǵan úılerdi aralady. „Quqyqtyq tártip“ jedel aldyn alý is-sharasy aıasynda qoǵamdyq qaýipsizdikti qamtamasyz etý boıynsha keshendi mindetter sheshilýde. 848 túrli ákimshilik quqyq buzýshylyq anyqtaldy», — deıdi Soltústik Qazaqstan oblysy polıtsııa departamenti jergilikti polıtsııa qyzmeti basqarmasy bastyǵynyń mindetin atqarýshy polıtsııa podpolkovnıgi Aleksandr Rozbah.