SQO stýdentteri sý tasqynymen kúresip jatqandarǵa 100 kg jýyq baýyrsaq-samsa pisirdi

<p>PETROPAVL. KAZINFORM &ndash; Soltústik Qazaqstan oblysyndaǵy joǵary oqý orny stýdentteri sý tasqynymen kúreske at salysyp, biri volonter bolsa, endi biri ustazdarymen qutqarýshylarǵa nan ónimderin pisirip, tamaqtandyryp júr.</p>

M.Qozybaev atyndaǵy Soltústik Qazaqstan ýnıversıteti baspasóz qyzmetiniń málimetinshe, stýdentter búginde qashyqtan bilim alyp jatyr. Oqytýshylar, qyzmetkerler men stýdentter sý tasqynymen kúreske bir kisideı at salysýda. Volonterler gýmanıtarlyq kómek tasyp, evakýatsııalyq pýnktterge sý, azyq-túlik, kıim-keshek jáne basqa da qajetti zattardy jetkizip júr.

Al ujymnyń áıelder qaýymy 9-15 sáýir aralyǵynda agrotehnologııalyq fakýltettiń azyq-túlik qaýipsizdigi zerthanasynda sý tasqynymen kúresip jatqan volonterler men áskerı qyzmetshilerge tamaq daıyndaýmen aınalysty. Barlyǵy 40-qa jýyq adam 80 keli baýyrsaq, 9 keliden astam samsa, 5 keli toqash pisirgen.

Sondaı-aq joǵary oqý ornynda sý tasqynynan zardap shekkenderge kómek jınaý pýnkti jumys isteıdi. Ol № 4 korpýstyń 101 kabınetinde ornalasqan.

Buǵan deıin Prezıdent Qasym-Jomart Toqaev Soltústik Qazaqstan oblysyna jumys saparymen barǵanyn aıtqan edik. Memleket basshysy Sergeevka sý qoımasyn, sý basqan Qyzyljar aýdanyn jáne Petropavl qalasynyń tóńiregin tikushaqpen aralap kórdi.

Keıin tasqyn sý saldarynan evakýatsııalanǵan aýdandardyń halqymen kezdesti.