SQO shekara qyzmeti Reseıge munaı ónimderin ótkizýge shekteý qoıylǵandyǵyn eskertti

PETROPAVL. QazAqparat – Soltústik Qazaqstan oblysynyń shekara qyzmeti departamenti memlekettik shekara arqyly Qazaqstannan Reseıge munaı ónimderi men aǵash materıaldardyń birqatar túrin ótkizýge shekteý qoıylǵandyǵyn eskertti, dep habarlaıdy QazAqparat tilshisi.

QR Ulttyq qaýipsizdik komıteti Shekara qyzmetiniń SQO boıynsha departamentiniń málimetinshe, QR memlekettik shekarasynyń ótkizý beketteri arqyly Reseıge munaı ónimderiniń keı túrlerin, sonyń ishinde suıytylǵan munaı gazyn, benzındi, dızel otynyn ótkizýge shekteý qoıylǵan. Sondaı-aq aǵash materıaldardyń birqatar túrin de shetke shyǵarýǵa ruqsat joq. Talapty oryndamaı, shekaradan ótkizýge tyıym salynǵan zattarmen ustalǵandarǵa ákimshilik jáne qylmystyq jaýapkershilik bar.

SQO-da bıyl 13 mamyr kúni «Jańa Jol» avtomobılmen ótkizý beketinde shekarashylar reseılik azamattardy ustady. Olar 1100 lıtr dızel otynyn ydystarǵa quıyp, alyp ótpek boldy.