SQO: Shekara beketinen zańsyz janarmaı ótkizbek bolǵan reseılik qolǵa tústi
«Petropavlda «Qyzyljar avto» ótkizý pýnkti narıadynyń shekara jasaǵynda Reseı Federatsııasynyń 36 jastaǵy azamaty ustaldy, ol 2,7 tonna dızel otynyn, 130 lıtrden astam AI-80 markaly benzındi «Gazel» kóligimen Qazaqstan Respýblıkasynan alyp ótpekshi bolǵan», delingen habarlamada.
Sondaı-aq, Aqtóbe shekara jasaǵynyń «Jaısan» ótkizý pýnktiniń narıady quny 1 mln. 500 myń teńge bolatyn halyq tutynatyn taýardy (1 tonna) kontrabandalyq jolmen tasymaldaǵan 26 jastaǵy Qyrǵyzstan azamatyn qolǵa túsirdi.
Ol «Bishkek-Máskeý» baǵytynda qatynaıtyn poıyzdan ustaldy.
Shekarashylar osyǵan uqsas taǵy bir qylmys - «Beregovaıa ohrana» óńirlik basqarmasynyń «Eýrazııa» saqshy beketiniń qazaqstandyq shekarashylary 10 keli bekire tuqymdas jáne 40 kelige jýyq aqtaban tuqymdas balyqtyń zańsyz tasymalynyń jolyn kesti.
Barlyq fakti boıynsha quqyq qorǵaý organdary habardar etildi, tergeý amaldary júrgizilýde.