SQO: Reseımen shekarada júk kólikterine arnaıy jolaqtar ornatylýda
09:50, 11 Qazan 2019
MAǴJAN JUMABAEV. QazAqparat – Soltústik Qazaqstan oblysy Maǵjan Jumabaev aýdany, Qaraqoǵa aýyly mańyndaǵy shekara beketinde kúrdeli jóndeý jumystary aıaqtalýǵa jaqyn, dep habarlaıdy QazAqparat.
SQO ákimdiginen málim etkendeı, aımaq basshysy Qumar Aqsaqalov jumys saparymen Maǵjan Jumabaev aýdanyna bardy.
Q.Aqsaqalov óndiristik, bıznes jáne sport nysandaryn aralap kórgennen keıin aýdannyń damýyna arnalǵan jıyn ótkizdi.
«Oblys ákimi Qaraqoǵa aýylynyń janyndaǵy shekara beketine de bardy. Munda kúrdeli jóndeý jumystary aıaqtalýda. Bekette júk kólikterine arnaıy jolaqtar qoıylýda. Osynyń arqasynda júk jáne jeńil avtokólikterdiń aǵynyn ajyratyp, kezekti qysqartýǵa bolady», - dedi ákimdikten.