SQO prokýrorlary veterınarııalyq qujattardy qoldan jasaý faktilerin anyqtady

<p>Veterınarııalyq qaýipsizdik boıynsha tekserý júrgizgen Soltústik Qazaqstan oblysynyń prokýrorlary veterınarııalyq qyzmetterdiń óńirde &laquo;Veterınarııa týraly&raquo; Zańnyń talaptaryn saqtamastan, veterınarııalyq qujattardy berý jáne janýarlardy vaktsınatsııalaý tártibin buzǵanyn, iri qara malǵa dıagnostıkalyq zertteýler tolyq kólemde júrgizilmegenin anyqtady.</p>

Bul týraly QazAqparat SQO prokýratýrasynyń baspasóz qyzmetiniń málimetterine silteme jasap habarlaıdy.

Baspasóz qyzmetiniń málimetterine qaraǵanda, tekserý barysynda veterınarııalyq qujattardy qoldan jasaý faktileri anyqtaldy (et ónimderine veterınarlyq anyqtamalar jáne vaktsınatsııa aktileri), olar boıynsha Qylmystyq kodekstiń 385-baby boıynsha sotqa deıingi 4 tergep-tekserý bastaldy.

Sondaı-aq aýdan ákimdikteri veterınarııa erejeleriniń talaptaryn buza otyryp, mal qorymdaryn tıisti kútip-ustaýdy qamtamasyz etpegeni belgili boldy. Maldy arnaıy pýnktterde emes, jeke aýlada soıý jaǵdaılary da kezdesedi.

Qadaǵalaý organynyń aktisi boıynsha 24 laýazymdy tulǵa, onyń ishinde Veterınarııa basqarmasynyń basshysy tártiptik jaýapqa tartyldy, jol berilgen buzýshylyqtardy joıý jáne osy saladaǵy jaǵdaıdy jaqsartý boıynsha keshendi jospar ázirlendi.

«Ýákiletti organdar maldy belgilenbegen jerlerde soıǵandyqtary úshin adamdardy ákimshilik jaýapqa tartýǵa baǵdarlanǵan»,-delingen habarlamada.