SQO polıtseıleri jol shetinen eki adamnyń máıiti men balalar arbasynda jatqan sábıdi tapty
5 tamyz saǵat 23:40-ta Maǵjan Jumabaev aýdandyq polıtsııa bóliminiń kezekshi bólimine Qaraqoǵa men Nadejka aýyldarynyń arasyndaǵy joldyń shetinde esh qımylsyz eki adamnyń jatqany týraly habarlama kelip tústi. Oqıǵa ornynan polıtsııa qyzmetkerleri osy aýdannyń 38 jáne 35 jastaǵy turǵyndaryn, er adam men áıel adamnyń denesin anyqtady. Sondaı-aq oqıǵa ornynan jaqyn jerde balalarǵa arnalǵan qolarbada jatqan kishkentaı bala tabyldy. Ol jedel járdem kóligimen ortalyq aýdandyq aýrýhanaǵa jetkizildi. 2022 jyly týǵan balanyń denesinen jaraqat izderi tabylmady.
Qazir bala ortalyq aýdandyq aýrýhanadaǵy balalar bóliminiń baqylaýynda. Jedel-izdestirý is-sharalary barysynda Obrazets aýylynda jol apatynyń belgilerine uqsas syrtqy zaqymdary bar Toyota Land Cruiser avtokóligi anyqtaldy. Avtokóliktiń júrgizýshisi, (kóliktiń ıesi) Petropavl qalasynyń 39 jastaǵy turǵyny ustaldy. Jaýap ala kele er adam eki jaıaý júrginshini qaǵyp ketkenin jáne oqıǵa ornynan ketip qalǵanyn aıtty. Júrgizilgen medıtsınalyq kýálandyrý Toyota Land Cruiser júrgizýshisiniń alkogoldik masań kúıde ekenin kórsetti.
Atalǵan fakti QR QK-niń 345-babynyń 4-bóligi (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy), 347-baby (Jol-kólik oqıǵasy bolǵan jerden ketip qalý» jáne 119-babynyń 1-bóligi «Qaýipti jaǵdaıda qaldyrý) boıynsha Sotqa deıingi tergep-tekserýlerdiń biryńǵaı tizilimine tirkeldi. Saraptamalar taǵaıyndaldy, tergeý júrgizilip jatyr.