SQO polıtseıleri sıntetıkalyq esirtkini jetkizý arnasynyń jolyn kesti

PETROPAVL. QazAqparat - SQO polıtseıleri «Órmek» jedel-profılaktıklyq is-sharasy sheńberinde sıntetıkalyq esirtkilerdi jetkizý arnasynyń jolyn kesti, dep habarlaıdy QazAqparat Polisia.kz-ke silteme jasap.

Esirtkiniń taralýyna qarsy kúres – polıtsııa jumysyndaǵy basym baǵyttardyń biri. 16-20 qańtar aralyǵynda SQO-da «Órmek» jedel-profılaktıkalyq is-sharasy ótkizildi. Onyń maqsaty – esirtki qylmysyna qarsy is-qımyl salasyndaǵy zań buzýshylyqtardy anyqtaý jáne jolyn kesý. 5 kún ishinde SQO polıtseıleri muqııat daıyndalǵan birqatar jedel is-sharalardy iske asyrdy. Atap aıtqanda, Astana qalasynan Petropavl qalasyna sıntetıkalyq esirtki jetkizý arnasynyń joly kesildi.

«Tuz» degen atpen belgili α-PvP sıntetıkalyq esirtkisiniń iri kólemi tárkilendi. Muny rastaý jáne naqty salmaqty anyqtaý úshin saraptama júrgiziledi. Sondaı-aq polıtseıler esirtki jetkizýshi kýrerdi ustaǵanyn habarlady. Odan sıntetıkalyq esirtkiniń 50 túıinshek tárkilengen.

«Budan bólek, oblysta is-shara ótken ýaqytta esirtkiniń zańsyz aınalymy salasynda 14 qylmystyq quqyq buzýshylyq anyqtalyp, joly kesildi. Іs-sharany ótkizgen kezde esirtkini jetkizý arnalaryn anyqtaýǵa, esirtkini, ásirese, sıntetıkalyq psıhoaktıvti zattardy ótkizýdi uıymdastyrýmen aınalysatyn qylmystyq toptardy áshkereleýge erekshe nazar aýdaryldy», – deıdi SQO PD esirtki qylmysyna qarsy is-qımyl basqarmasynyń bastyǵy Ivan Terzıdı.

Foto: polisia.kz