SQO polıtseıleri sıntetıkalyq esirtki jasyrýshyny ustady
SQO PD Esirtki qylmysyna qarsy is-qımyl basqarmasynyń qyzmetkerleri Petropavldaǵy tanystarynda jáne jaldamaly páterde turyp júrgen, oblys aýdandarynyń biriniń 25 jastaǵy esirtkige táýeldi turǵynyn ustady. Jeke tintý kezinde qara ızolentamen oralǵan, krıstall tárizdes zat salynǵan 15 orama alyndy.
Taǵy 25 túıinshek turyp jatqan ekinshi mekenjaıynan anyqtaldy.
Saraptama alynǵan zattyń α-PvP – «tuz» dep atalatyn sıntetıkalyq esirtki ekendigin kórsetti. Jalpy salmaǵy 32,3 gramdy qurady, bul asa iri kólemge jatady.
Atalǵan fakti QR Qylmystyq kodeksiniń 297-baby 3-bóligi boıynsha sotqa deıingi tergep-tekserýlerdiń biryńǵaı tizilimine engizildi. Jas jigit shilde aıynan «esirtki jasyrýdy» uıymdastyrý jolymen esirtki taratty dep kúdiktelip jatyr.
Foto: polisia.kz