SQO polıtseıleri bıyl iz-túzsiz joǵalǵan 417 adamdy tapty
SQO polıtsııa departamenti baspasóz qyzmetiniń málimetinshe, 19 jeltoqsan kúni Petropavldyń 42 jastaǵy turǵyny úıinen ketip, qaıtyp oralmaǵan. Týǵan-týystary áıeldi ózdiginen izdep, nátıje bolmaǵannan keıin, polıtsııaǵa ótinish túsirgen. Іz-túzsiz joǵalǵan qala turǵyny jaıynda tártip saqshylary áleýmettik jelilerde jazba qaldyrdy.
Іzdestirý is-sharalary tańerteń bastaldy, oǵan krımınaldyq polıtsııa qyzmetkerleri, patrýldik polıtseıler, ýchaskelik polıtsııa ınspektorlary jumyldyryldy. Nátıjesinde áıel úsh saǵattan keıin din aman tabyldy. Ol óz jospary jaıynda jaqyn týystaryn eskertpeı, qurbysymen ýaqytty kóńildi ótkizgen eken.
«Mundaı jaǵdaı jıi qaıtalanady: adamdar belgili bir jaǵdaılarmen, keıde jeke sebepterimen júrgen jerleri jaıynda týystaryna aıtpaıdy. Kóp jaǵdaıda iz-túzsiz joǵalatyndar spırttik ishimdikterdi asyra paıdalanatyndar. Ár faktini polıtsııa qyzmetkerleri jan-jaqty tekseredi», - deıdi SQO PD krımınaldyq polıtsııa basqarmasynyń bastyǵy Marat Jumalıev.
Jyl basynan oblys polıtseıleri iz-túzsiz joǵalǵandar týraly 419 ótinishti qabyldady. Olardyń 417-si tabyldy, sonyń 264-iniń júrgen jeri kezekshi táýlikte anyqtaldy. Habarsyz ketkenderdi izdestirýge volonterler de jumyldyryldy. Eriktiler áleýmettik jelilerde baǵdarlar jarııalap, izdestirý is-sharalaryna qatysady.