SQO polıtseıleri Arysta zardap shekkenderge 7 mln teńge aýdarady
23:16, 25 Maýsym 2019
PETROPAVL. QazAqparat - Soltústik Qazaqstan oblysynyń polıtseıleri Arys qalasynyń turǵyndaryna kómek retinde bir kúndik eńbekaqylaryn aýdaryp jatyr, dep habarlaıdy QazAqparat tilshisi.
Soltústik Qazaqstan oblysy Polıtsııa departamentiniń basshylyǵy men jeke quramy Túrkistan oblysynyń Arys qalasyndaǵy qaıǵyly oqıǵalarǵa baılanysty zardap shekkenderge qarajat jınaýdy qoldady.
«Bul kúnderi elimiz osyndaı tótenshe jaǵdaılardyń saldarynan zardap shekken qandastarymyzdyń ómiri úshin alańdaýda. Biz kez kelgen kómekke muqtaj otandastarymyzǵa qoldaý kórsetýdi azamattyq boryshymyz dep sanaımyz», - dedi SQO PD bastyǵy Marat Tólebaev.
Polıtsııa bólinisteriniń bastyqtary birkúndik jalaqylaryn aýdarady. Jeke quram da arystyqtarǵa qol ushyn sozýǵa daıyn. Shamamen 7 mln teńge zardap shekkenderdiń esepshotyna aýdarylmaq.