SQO-nyń turaqtandyrý qorynda 9 myń tonnaǵa jýyq azyq-túlik bar

PETROPAVL. QazAqparat – Soltústik Qazaqstan oblysynda turaqtandyrý qoryna jumsalatyn qarajat 2,3 ese artyp, 800 mln teńgeden 1,9 mlrd teńgege deıin jetti, dep habarlaıdy QazAqparat tilshisi.

SQO kásipkerlik jáne ındýstrııalyq-ınnovatsııalyq damý basqarmasy basshysynyń orynbasary Danııar Isaevtyń aıtýynsha, óńirde baǵanyń ósýin tejeý maqsatynda «aınalym shemasy» tıimdi túrde júzege asyp jatyr.

Jeńildikti qaryzdar ala otyryp, saýda jelileri ónimniń jekelegen túrleriniń belgili bir kólemine baǵany ósirmeý boıynsha mindettemeler alady.

Nátıjesinde, bul taýarlar naryqtaǵy baǵadan 15-20%-ǵa tómen baǵamen satylady.

Turaqtandyrý qoryna jumsalatyn qarajat ta 800 mln teńgeden 1,9 mlrd teńgege deıin arttyryldy.

Qazirgi tańda qorda azyq-túliktiń jetkilikti qory bar.

«Turaqtandyrý qorynda 2750 tonna 1 surypty un, 387 tonna makaron ónimderi, 250 tonna kúrish, 637 tonna qaraqumyq, 132 tonna tuz, 250 tonna qus eti, 417 tonna qyryqqabat, 424 tonna sábiz, 2 myń tonna kartop, 283 tonna pııaz, 675 tonna qant pen 748 tonna suıyq maı bar. Qorǵa salynatyn azyq-túlik mólsheri 6,4 myń tonnadan 9 myń tonnaǵa deıin ulǵaıtyldy», - deıdi Danııar Isaev.

Turaqtandyrý qorynan qaraqumyq jarmasy, kúrish, kúnbaǵys maıy, un, makaron ónimderi, qant, tuz, qus eti, kókónister saýda jelileri men turaqtandyrý qorynyń dúkenderi arqyly satylady.

Oblys ortalyǵy bul ónimdermen 70% qamtylǵan.

«Soltústik» ÁKK» AQ áleýmettik mańyzy bar azyq-túlik taýarlaryn óndiretin jergilikti kásipkerlerge qaryz berip, olardan shıkizatty bólshek saýda jelisinde tómendetilgen baǵamen odan ári satý úshin alady.

Sút jáne et ónimderi jergilikti aýyl sharýashylyǵy taýaryn óndirýshilermen jasalǵan uzaq merzimdi kelisimsharttar negizinde bólshek saýda jelisine tikeleı jetkiziledi.

Óńirde áleýmettik mańyzy bar 19 azyq-túlik taýarynyń 15-i óndiriledi.

Bul ónimmen halyq tolyq qamtamasyz etiledi.

«Saýda jelilerimen jáne kóterme kásiporyndarmen áleýmettik mańyzy bar azyq-túlik baǵalaryn tómendetý jáne saýda ústemesiniń mólsherin saqtaý týraly memorandýmdarǵa qol qoıyldy. Básekelestikti qorǵaý jáne damytý agenttiginiń SQO boıynsha departamenti saýda ústemesin asyryp jibergen 4 sýbektige qatysty materıaldardy Petropavl qalasynyń ákimdigine jiberdi. Onyń bireýi rastalyp, bıznes sýbektisine ákimshilik is qozǵaldy», - deıdi Danııar Isaev.

Sondaı-aq, baǵany turaqtandyrý maqsatynda Petropavl bazarlarynda jyl sońyna deıin aptasyna keminde eki ret aýyl sharýashylyǵy jármeńkeleri ótkizilip jatyr.