SQO-nyń Reseımen shekaralas ornalasqan aýyldaryna endi otandyq teleefır qoljetimdi bolmaq
SQO teleradıo habarlaryn taratý dırektsııasynyń mamandary brıfıngide óńirdiń tsıfrlyq efırlik telehabar taratý jelisine kóshetinin habardar etti.
Jetekshi ınjener Dáýren Samuratovtyń aıtýynsha, bıyl jospar boıynsha DVB-T2 standartyndaǵy tsıfrlyq efırlik telehabar taratý jelisine kóshý Soltústik Qazaqstan oblysy men Almaty qalasynda júzege asyrylady. ıAǵnı osy kúnnen bastap analog telehabar taratý jelisi óshiriledi.
«Joba aıasynda SQO byltyr 1 jeltoqsanda kóshýi tıis edi. Belgili sebeptermen ol 1 aqpanǵa shegerildi. Osy ýaqytqa deıin kóptegen daıyndyq júrgizildi. Óńirde 42 radıo-televızııalyq stansa turǵyzylyp, jańǵyrtyldy. Nátıjesinde tsıfrlyq efırlik habar taratý sıgnaly 617 eldi mekenge jetedi. Osylaısha 537 780 adam «tsıfrǵa» qoljetimdi boldy, bul oblys halqynyń 98 %-y», - deıdi Dáýren Samuratov.
«Qazteleradıo» AQ tehnıkalyq ortalyǵynyń málimetinshe, analog teleradıohabar taratý jelisi óshirilgennen keıin 4 myńnan astam halqy bar 21 eldi meken TsETT qamtý aýmaǵynan tys qalady. Bul aýyldardy jańa formatqa kóshirý boıynsha tıisti jumystar júrgizilmek.
«Artyqshylyǵy kóp. Aldymen habar taratatyn arnalardyń beıne men dybys sapasy edáýir artady. Mýltıplekste birneshe HD formattaǵy arna da bar. Ekinshiden qoljetimdi arna sany artady. Petropavl mańyndaǵy 280 myń turǵyny bar 130 eldi mekende 26 telearna qoljetimdi bolady. Sondaı-aq Reseımen shekaralas ornalasqan bizdiń oblystaǵy eldi meken turǵyndary endi kórshi memlekettiń emes, otandyq teleónimdi kórýge múmkindik alady», - deıdi SQO teleradıo habarlaryn taratý dırektsııasy basshysynyń orynbasary Erkin Mekenov.
Qazirgi tańda halyq analog televızııanyń óshiriletindigi jóninde habarlandyrylǵan.
«TsETT-ǵa qosylý úshin bólmelik nemese tysqa ornatylatyn qabyldaǵysh antenna men DVB-T2 standartynda kórsetetin teledıdar qajet. Sodan keıin mázirde tsıfrlyq arnalardy izdestirý túımeshesin basý kerek. Osymen boldy, arnalar qoljetimdi.
Eger teledıdaryńyz DVB-T2 standartyn ustamaıtyn bolsa, TsETT jelisine arnalǵan qabyldaǵysh satyp alý kerek. Bul qabyldaǵyshtar turmystyq jáne kompıýter tehnıkasy dúkenderinde satylady», - deıdi SQO teleradıo habarlaryn taratý dırektsııasynyń jetekshi ınjeneri Dáýren Samuratov.