SQO-nyń eks-ákimi alaıaqtyq úshin sottaldy

<p>PETROPAVL. KAZINFORM &mdash; Soltústik Qazaqstan oblysynyń eks-ákimi Samat Eskendirov úleskerlerdiń jerin aldaý arqyly satyp jibergeni úshin sottaldy. Aqmola oblystyq sotynyń málimetinshe, qylmystyq is shamamen jarty jyl boıy Kókshetaý qalalyq sotynda qaraldy.</p>

«E. jáne ekinshi adam nesıe alý maqsatynda, JShS-i qatysýshylarynyń kelisiminsiz jınalystardyń jalǵan hattamalaryn qurastyryp, Býrabaı aýdany turǵyndarynyń jer telimderin bankke kepilge bergen. Osylaısha sóz baılasý arqyly aýyl turǵyndarynyń shartty jer úlesteriniń quqyǵyn ıemdenip, múlikti kepilge qoıý jáne JShS-niń úlestes kásiporyna jer telimine quqyqty ıelikten shyǵarý jolymen jábirlenýshilerge asa iri mólsherde materıaldyq zııan keltirdi», — delingen baspasóz habarlamasynda.

Eskerdirovtiń kinási jábirlenýshilerdiń, kýágerlerdiń jaýaptarymen, júrgizilgen tintý barysynda tárkilengen tólem qujattarymen, sondaı-aq sarapshylar men táýelsiz aýdıtordyń qorytyndylarymen dáleldendi.

Desek te jábirlenýshilerdiń kópshiligi sottalýshyǵa qatań jaza qoldanbaýdy surady. Sot olardyń pikirin eskerdi.

«Sondaı-aq, 2023 jylǵy sot aktilerimen JShS-niń quryltaıshylary jınalysynyń sheshimi men quqyqtardy úshinshi tulǵalarǵa berý týraly kelisimniń kúshi joıyldy. ıAǵnı sotta qaralǵan is boıynsha jábirlenýshilerge jer telimi qaıtaryldy, sondyqtan aýyl turǵyndaryna keltirilgen materıaldyq shyǵyndy óteýge negiz joq», — delingen habarlamada.

Nátıjesinde, sot Eskendirovti shartty túrde 5 jylǵa bas bostandyǵynan aıyrý jazasyn taǵaıyndaldy.

Sot aktisi zańdy kúshine engen joq.

Buǵan deıin SQO-da aýdan ákiminiń orynbasary para alǵany úshin sottalǵanyn jazǵan edik.