SQO memlekettik qyzmetshileri jańa tólem júıesine kóshedi
Eńbekaqy tóleýdegi jańalyq ákimshilik memlekettik qyzmetshilerge qatysty. Olardyń eńbekaqysy jumys isteý nátıjesine, jaýapkershilik deńgeıine, mindetterin atqarý úshin qajetti bilimine baılanysty tólenedi. Qazir laýazym deńgeıi men memlekettik qyzmetshilerdiń eńbek ótili esepke alynýda.
Ákimdik otyrysynda óńir basshysy Qumar Aqsaqalov memlekettik organdardaǵy faktorlyq-balldyq shkalany engizý taqyrybyn kóterdi.
«Birinshi toqsanda memlekettik qyzmetshilerdiń eńbaqysyn jańa formada tóleýge kóshemiz. Bul eńbekaqyny kóbeıtip, mindetterdi qaıta bólýge múmkindik beredi. Jumys ádisin ózgertetinderdiń qaıda baratyny týraly birden oılaý qajet. Vedomstvoǵa qarasty uıymdardy «tazartyp», shyǵyndardy azaıtý kerek. Kóptegen qyzmetterdi aýtsorsıngke, bızneske berý qajet. Memlekettik shyǵyndar jyl saıyn azaıýy kerek», - dep atap ótti Q.Aqsaqalov.
Oblys ákimi memlekettik qyzmetshilerdiń jańa tólem júıesine kóshý máselesimen aınalysatyn jumys tobyn qurýdy tapsyrdy.
Búgin óńirge Memlekettik qyzmet isteri jáne sybaılas jemqorlyqqa qarsy is-qımyl agenttigi apparatynyń basshysy Saıan Ahmetjanov keldi. Ol tıisti organdardyń basshylarymen kezdesip, faktorlyq-balldyq shkalamen memlekettik qyzmetshilerdiń eńbekaqysyn tóleýdi engizý týraly aıtady.