SQO mektepterinde balalar tyıym salynǵan saıttarǵa erkin kirip júrgen

<p><strong>PETROPAVL. </strong>KAZINFORM &ndash; <strong>SQO-da mekteptegi balalar tyıym salynǵan saıttarǵa erkin qol jetkizip kelgen.</strong></p>

Bilim berý mekemesinde qaýipsizdikti qamtamasyz etý boıynsha júrgizilgen tekserýler kámeletke tolmaǵandar quqyǵy óreskel buzylǵanyn anyqtady.

«Qazaqstan Respýblıkasynyń «Bilim týraly» Zańynyń talaptaryn buza otyryp, Petropavl qalasyndaǵy 9 orta mektepte ınformatıka kabınetterinde tyıym salynǵan saıttarǵa balalardy óz ómiri men densaýlyǵyna qaýip tóndiretin áreketterdi jasaýǵa yntalandyrý (sonyń ishinde sýıtsıd jáne zorlyq-zombylyq áreketteri) materıaldary bar ashyq qoljetimdilik tyıym salynǵan saıttar anyqtaldy», - dep habarlady SQO prokýratýrasy baspasóz qyzmetinen.

Qadaǵalaý organynyń qaýlylaryna sáıkes bilim berý uıymdarynyń basshylyǵy (dırektorlary) ÁQBtK-niń 409-baby 7-2-bóligi boıynsha aıyppul túrindegi ákimshilik jaýapkershilikke tartyldy. Sonymen birge prokýrordyń usynysy boıynsha qaladaǵy barlyq bilim berý mekemelerinde tyıym salynǵan ınternet-resýrstarǵa qoljetimdilik shektelgen.