SQO-daǵy Maǵjan Jumabaev aýdanyna Rahat Smaǵulov ákim bolyp taǵaıyndaldy

<p>PETROPAVL. KAZINFORM &ndash; QR Prezıdenti Ákimshiliginiń jáne aýdandyq máslıhat depýtattarynyń kelisimimen, Soltústik Qazaqstan oblysy ákiminiń ókimimen Rahat Smaǵulov Maǵjan Jumabaev aýdanynyń ákimi bolyp taǵaıyndaldy.&nbsp;</p>

Rahat Smaǵulov 1982 jyly Reseıdiń Omby oblysynda Esilkól aýdanyndaǵy Qasqat eldi mekeninde dúnıege kelgen.

2004 jyly Omby memlekettik agrarlyq ýnıversıtetin «Agronomııa» mamandyǵy boıynsha bitirgen. 2021 jyly Qazaq ekonomıka, qarjy jáne halyqaralyq saýda ýnıversıtetin «Ekonomıka» mamandyǵy boıynsha támamdady.

Eńbek jolyn 2004 jyly týǵan aýylynda – Qasqat selolyq ákimshiliginde maman bolyp bastady.

2005-2015 jyldar aralyǵynda oblystyń aýyl sharýashylyǵy salasynda jergilikti atqarýshy bılik organdarynda túrli qyzmetter atqardy.

2015-2019 jyldary M. Jumabaev aýdany ákiminiń orynbasary boldy.

2019-2020 jyldary QR Aýyl sharýashylyǵy mınıstrliginiń agroónerkásip komıtetiniń oblystyq aýmaqtyq ınspektsııasynyń jetekshisi laýazymynda eńbek etti.

Al, 2020 jyldyń shildesinen bastap osy taǵaıyndaýǵa deıin Shal aqyn aýdanynyń ákimi bolyp eńbek etti.

Buǵan deıin M. Jumabaev aýdanyn Qaırat Omarov basqarǵan.

Eske salsaq, ShQO Ulan aýdanynyń ákimi bolyp Arman Bekbosynov taǵaıyndalǵanyn jazǵan edik.