SQO mádenıet, tilderdi damytý jáne arhıv isi basqarmasyna Erjan Qulymbetov taǵaıyndaldy

<p>Soltústik Qazaqstan oblysy mádenıet, tilderdi damytý jáne arhıv isi basqarmasyn endi Erjan Qulymbetov basqarady, dep habarlaıdy Kazinform.</p>

Erjan Qulymbetov bıyl mamyr aıynda ǵana Petropavl qalalyq mádenıet, tilderdi damytý, dene shynyqtyrý jáne sport bólimi basshysy qyzmetine taǵaıyndalǵan edi.

39 jastaǵy Erjan Meırambekuly Qyzylorda qalasynda dúnıege kelgen. Reseıdiń Máskeý qalasyndaǵy teatr óneri ýnıversıtetin akterlik sheberlik mamandyǵy boıynsha támamdaǵan.
2008-2010 jyldar aralyǵynda Italııanyń Mılan qalasynda mýzykalyq teatrda tájirıbe jınaǵan.

Eńbek jolyn 2005 jyly Baıqonyr qalasyndaǵy mádenıet saraıynda mýzykalyq súıemeldeýshi bolyp bastady.

Túrli jyldary Almaty qalasyndaǵy Qazaq ulttyq óner akademııasynda vokal boıynsha oqytýshy, Astana qalasyndaǵy oqýshylar saraıynda bas rejısser, Qazaq ulttyq óner ýnıversıtetinde «akterlik sheberlik pen óner» kafedrasynyń aǵa oqytýshysy bolyp eńbektengen.

Sondaı-aq Qazaq ulttyq óner ýnıversıtetinde tárbıe jáne jastar saıasaty bóliminiń basshysy laýazymynda qyzmet etti.

2021 jyldan 2023 jyldyń mamyryna deıin Astana qalasyndaǵy Qazaq ulttyq ýnıversıtetindegi «sazdy-drama jáne qýyrshaq teatry» kafedrasynyń aǵa oqytýshysy qyzmetinde jumys istedi.

Al buǵan deıin basqarma basshysy bolǵan Dosbol Ábdirısov «Bolashaq» baǵdarlamasy boıynsha shetelge oqýǵa ketti.