SQO qus fabrıkalary jumyrtqany qaı elderge eksporttaıdy

<p>PETROPAVL. KAZINFORM — Soltústik Qazaqstan oblysynda jumyrtqa óndirisimen aınalysatyn 6 qus fabrıkasy bar. Byltyr kásiporyndar tolyq qýatynyń tek 74% ǵana óndirdi.</p>

SQO aýyl sharýashylyǵy jáne jer qatynastary basqarmasy baspasóz qyzmetiniń málimetinshe, óńir turǵyndary orta eseppen jylyna 150 mln dana jumyrtqa tutynady.

Oblystyń qus fabrıkalary qajettilikti tolyq jabýǵa qaýqarly.

Máselen 2022 jyly SQO-da 705,7 mln, sonyń ishinde qus fabrıkalary 530,7 mln dana jumyrtqa óndirgen.

2023 jyly 680 mln dana saýdaǵa shyǵarylsa, sonyń 504,9 mln-y — qus fabrıkalarynyń ónimi.

«Kúz-qys merziminde úı sharýashylyqtarynda taýyq jumyrtqalamaıdy, bul — saýdaǵa shyǵarylatyn baǵaǵa áser etedi. Qazirgi ýaqytta qus fabrıkalary 1 sanatty jumyrtqanyń onyn 520 teńgeden berip jatyr. Sondaı-aq baǵaǵa jemazyq, dári-dármek, elektr qýaty, sý, qondyrǵy ammortızatsııasy, eńbekaqy mólsheri de áser etedi», — deıdi SQO aýyl sharýashylyǵy jáne jer qatynastary basqarmasynyń mamandary.

SQO qus fabrıkalary artylǵan ónimdi Aýǵanstan men Qyrǵyzstanǵa eksporttaıdy. Byltyr kásipkerler shetelge 23 mln dana jumyrtqa satqan.

Áleýmettik-mańyzy bar azyq-túlik taýarlarynyń qatarynda 1 sanatty jumyrtqa da bar. Sondyqtan oǵan kúndelikti sonıtorıng júrgiziledi.

Ulttyq statıstıka bıýrosynyń SQO boıynsha departamentiniń málimetinshe, qazirgi ýaqytta jumyrtqanyń osy sanatynyń ondyǵy óńirde orta eseppen 479 teńge turady.

«Jumyrtqa baǵasyn turaqtandyrý maqsatynda 2022 jyly „Soltústik“ ÁKK» AQ «ıAkorskaıa PTF» JShS-ge qaryz berdi. Kelisim nátıjesinde qazir qus fabrıkasy bólshek saýda jelisine jumyrtqanyń onyn bekitilgen baǵa — 380 teńgeden aı saıyn 900 myń dana beredi. Ol saýda oryndarynda 400 teńgeden satylady. Mundaı arzandatylǵan jumyrtqany «Magnum Cash& Carry», «Severnyı», «Semeınyı», «Aımer» saýda jelilerinen jáne «Soltústik» ÁKK» AQ arnaıy saýda oryndarynan alýǵa bolady», — delingen SQO kásipkerlik jáne ındýstrııalyq-ınnovatsııalyq damý basqarmasynyń habarlamasynda.