SQO Qyzyljar aýdanynda tasqynnan qyrylǵan malǵa 2,4 mln teńge ótemaqy tólendi

<p>PETROPAVL. KAZINFORM &ndash; Soltústik Qazaqstan oblysy Qyzyljar aýdanynda tasqynnan zardap shekkenderge búginge deıin 60-qa jýyq baspana satyp alyndy. Jalpy munda 1 546 úı sý astynda qalyp, zaqymdanǵan edi.&nbsp;</p>

«AMANAT» partııasy SQO fılıalynyń málimetinshe, Qyzyljar aýdanynda sý tasqynynan zardap shekken aýyldyqtarǵa turǵyn úı berý jáne baspanalaryn qalpyna keltirý jumystary jalǵasqan. Turǵyndardyń keıbiri materıaldyq kómek alyp, ózderi úılerin jóndep jatyr.

Óńirge is-saparmen kelgen Májilis depýtaty Dmıtrıı Koloda sý tasqyny saldaryn joıý jumystaryn kórdi. Olshanka, Vıshnevka, Sokolovka jáne Vagýlıno aýyldaryna baryp, turǵyndarmen kezdesti. 

Foto: «AMANAT» partııasy SQO fılıaly

Foto: «AMANAT» partııasy SQO fılıaly

«Sý tasqyny kezinde qurylǵan komıssııa Úkimettiń qaýlysymen bekitilgen Zań boıynsha jumys atqaryp jatyr. Qyzyljar aýdanynda satyp alynatyn turǵyn úıdiń 1 sharshy metri 90 myńnan bastalyp 283 myń teńgege deıin jetedi. Mamandar úıdi baspananyń ornalasqan jerin negizge alyp baǵalaıdy. Osy oraıda sýǵa ketken úıdiń aýdany men otbasy músheleri mindetti túrde eskeriledi», - dedi Dmıtrıı Koloda.

Budan basqa, Qyzyljar aýdanynda sýǵa batqan, joǵalǵan mal úshin 2,4 mln teńge mólsherinde ótemaqy tólenip, 100% oryndaldy. Jalpy sý tasqyny kezinde bul aýdanda 27 bas mal qyrylǵan.

Buǵan deıin Petropavlda quny 5,3 mlrd teńge bolatyn kópir salynyp jatqanyn jazǵan edik.