SQO Qyzyljar aýdanyna jańa ákim taǵaıyndaldy

<p>PETROPAVL. KAZINFORM &ndash; Soltústik Qazaqstan oblysy ákiminiń ókimimen Saqtaǵan Sádýaqasov Qyzyljar aýdanynyń ákimi bolyp taǵaıyndaldy.&nbsp;</p>

Saqtaǵan Sádýaqasov 1981 jyly Aqmola oblysyndaǵy Tassýat aýylynda dúnıege kelgen. 
L.N.Gýmılev atyndaǵy Eýrazııa ulttyq ýnıversıtetiniń, QR Prezıdenti janyndaǵy Memlekettik basqarý Akademııasynyń túlegi.

Eńbek jolyn 2004 jyly Astana qalasy Іshki saıasat departamentiniń taldaý jáne monıtorıng bóliminiń mamany bolyp bastap, bul qyzmette 2009 jylǵa deıin jumys istedi.

2009 jyldan bastap QR Memlekettik qyzmet isteri agenttiginiń qurylymynda eńbek etti. Sondaı-aq ár jyldary Nur Otan partııasynyń ortalyq jáne qalalyq fılıalynda túrli laýazymdarda, onyń ishinde Nur Otan partııasy ortalyq apparatynyń qoǵamdyq qabyldaý bóliminiń meńgerýshisi bolyp eńbek etti.

2021 jyly Astanadaǵy Nur Otan partııasy fılıaly tóraǵasynyń birinshi orynbasary bolyp taǵaıyndaldy.

Keıin AMANAT partııasy Astana qalalyq fılıalynyń atqarýshy hatshysynyń orynbasary, al 2023 jyldyń maýsymynan osy taǵaıyndaýǵa deıin atqarýshy hatshysy bolyp eńbek etti.