SQO kásipkerlerine 300 mln teńge qarajat qaıtarylady - prokýratýra

<p>SQO kásipkerlerine 300 mln teńgeden astam qarajat qaıtarylady. Prokýrorlar tabıǵatty paıdalanýshylar ekologııalyq alymnyń joıylǵanyn bilmeı, tólem jasaı bergenin anyqtady, dep habarlaıdy QazAqparat.&nbsp;</p>

2022-2023 jyldary «Salyq jáne bıýdjetke tólenetin basqa da mindetti tólemder týraly» Kodekstiń 574-babyn buza otyryp, oblystyń 8 myńnan astam tabıǵat paıdalanýshysy qorshaǵan ortaǵa teris áser etkeni úshin jalpy somasy 321,4 mln.teńge tólem tólegen, al is júzinde olar osy tólemderden bosatylǵan.

Prokýrorlyq qadaǵalaý aktisi boıynsha oblystyń Memlekettik kirister departamenti berilgen ótinishter negizinde sýbektilerge 11,8 mln teńgeni qaıtarýdy qamtamasyz etti, qalǵan soma boıynsha jumys jalǵasýda.

Mundaı faktilerdi boldyrmaý maqsatynda fıskaldyq organ salyq tóleýshilermen quqyqtyq túsindirý is-sharalaryn júrgizdi.