SQO-ǵa osy aıda myń vagonǵa jýyq kómir jetkizilýi tıis

<p>PETROPAVL. KAZINFORM &ndash; Soltústik Qazaqstan oblysynda jylytý maýsymy bastaldy. Qazir energetıkter kezeń-kezeńmen áleýmettik nysandardy jelige qosyp jatyr. Óńirge qys ýaqytyna 604 myń tonna kómir qajet. Sonyń jartysynan astamy halyqtyń qajeti.</p>

SQO energetıka jáne turǵyn úı-kommýnaldyq sharýashylyǵy basqarmasynyń basshysy Danııar Qýanyshbaevtyń aıtýynsha, qazirgi ýaqytta 405 myń tonna kómir daıyndaldy, onyń 245 myń tonnasyn jeke úı turǵyndary túsirip alǵan. ıAǵnı halyqqa áli 154 myń tonna kómir qajet. 

Foto: Aqerke Dáýrenbekqyzy \ Kazinform

«Bıýdjettik mekemeler 100% kómirmen qamtyldy. Jalpy oblys boıynsha kómir satatyn 36 pýnkt bar. Qazirgi ýaqytta tuıyqtarda 44,2 myń tonna, sonyń ishinde 5 myń tonnaǵa jýyǵy Petropavlda jatyr. Onyń ishinde suranysqa ıe Shubarkól, Qarajyra, Maıkóbe kómirleri de bar. Baǵasy ártúrli, markasyna jáne tuıyqtyń ornalasqan jerine qaraı 12,5 myń teńgeden 22,5 myń teńge aralyǵynda satylyp jatyr», - deıdi Danııar Qýanyshbaev.

Óńirde kómir jetispeýshiligi máselesi týyndamaýy tıis. Óıtkeni qazir 200 vagon – 13800 tonna jolda kele jatyr. 

Foto: Aqerke Dáýrenbekqyzy \ Kazinform

«Qyrkúıek aıynda oblysqa 968 vagon – 66,3 myń tonna kómirdi jetkizý josparlanǵan. Onyń 293 vagony – Shubarkól, 390 vagony – Qarajyra, 240 vagony Maıkóbe kómiri jáne qalǵan 45 vagon basqa markalar. Onyń 312 vagony tikeleı Petropavlǵa keledi», - deıdi basqarma basshysy. 

Buǵan deıin Petropavlda órt kezinde kúıik alǵan er adam jansaqtaý bóliminde jatqanyn jazǵan edik.