SQO-ǵa qytaılyq vaktsınasynyń 13,5 myń dozasy jetkizildi

PETROPAVL. QazAqparat – Soltústik Qazaqstan oblysynyń turǵyndary úshin búginnen bastap qytaılyq Sinopharm kompanııasynyń Vero Cell degen vaktsınasy da qoljetimdi, óńirge 13,5 myń doza preparat jetkizildi, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, qytaılyq Sinopharm shyǵarǵan koronavırýsqa qarsy Vero Cell vaktsınasy soltústikqazaqstandyqtar úshin qoljetimdi preparattar qataryn tolyqtyrdy. Búgin óńirge preparattyń alǵashqy partııasy - 13,5 myń doza jetkizildi. Ol medıtsınalyq mekemeler arasynda bólinip, halyqqa qoljetimdi bolady.

Sinopharm kompanııasynyń vaktsınasyn Dúnıejúzilik densaýlyq saqtaý uıymy bıyl 7 mamyrda qoldanýǵa bolatyn vaktsınalar qataryna engizdi. Vaktsına belsendi emes, eki dozaly.

Mamandardyń aıtýynsha, bul DDU qaýipsiz jáne tıimdi dep jiktelgen qytaı preparaty, 45 elde eresekterdi vaktsınatsııalaýǵa ruqsat etilgen. Búgingi tańda Qytaıdan basqa, vaktsına BAÁ men Serbııada óndirilip jatyr.

Jalpy SQO-da búginde 215 myńnan astam soltústikqazaqstandyq vaktsınanyń birinshi komponentin alsa, 180 myńǵa jýyǵy tolyq vakatsınatsııa kýrsynan ótti.