SQO dıqandary bıyl 5 mln-ǵa jýyq tonna bıdaı alýdy josparlap otyr
SQO Aýyl sharýashylyǵy jáne jer qatynastary basqarmasynyń málimetinshe, bıyl óńir dıqandary 4,2 mln ga jerge dándi daqyl ekti, sonyń 2,8 mln ga-y – bıdaı. Qazir alqaptarda kúzgi jáne qara bıdaı oraǵy qyzǵan, sharýalar 5,9 myń ga-dyń daqylyn jınap alýlary qajet.
«Oblysta qara bıdaı oraǵy shilde aıynyń sońynda bastaldy. Birneshe aýdan bul naýqandy aıaqtady. ıAǵnı 5,1 myń ga alqaptyń astyǵy jınaldy. Bul – 86%. Gektarynan orta eseppen 21,6 tsentnerden ónim alynyp jatyr», - deıdi SQO Aýyl sharýashylyǵy jáne jer qatynastary basqarmasy basshysynyń orynbasary Qýandyq Shakýbaev.
Bıyl jazdyń ystyq bolýyna baılanysty astyq erte pisti. Osyǵan baılanysty óńirdegi keı agroqurylymdar bıdaıdyń jıyn-terimin bastap ketti. 135,9 myń ga astyǵy bastyrylyp, qambaǵa 180 myń tonnadan astam bıdaı quıyldy.
«Byltyr 4,4 mln tonna bıdaı aldyq. Gektar berekeligi 15,6 tsentnerden aınaldy. Bıyl da shamamen sol mejeden kórinbekpiz. ıAǵnı 4,6 mln tonna astyqty qambaǵa quıýdy josparlap otyrmyz», - deıdi Qýandyq Shakýbaev.
Mamandardyń aıtýynsha, SQO-da kúzgi oraq naýqany jappaı tamyzdyń 15-inen keıin bastalmaq.