SQO densaýlyq saqtaý basqarmasyna jańa basshy taǵaıyndaldy

<p>PETROPAVL. KAZINFORM &ndash; Soltústik Qazaqstan oblysy densaýlyq saqtaý basqarmasyna basshy bolyp Qanysh Bıjanov taǵaıyndaldy.</p>

Bul týraly SQO densaýlyq saqtaý basqarmasy baspasóz qyzmeti málim etti. 

Qanysh Bıjanov 1977 jyly burynǵy Jezqazǵan oblysy Ulytaý aýdanynyń Amangeldi aýylynda týǵan.

1999 jyly Qaraǵandy memlekettik medıtsına akademııasyn «Emdeý isi» mamandyǵy boıynsha aıaqtaǵan. Sondaı-aq Halyqaralyq ekonomıkalyq ınstıtýtty «qoǵamdyq densaýlyq saqtaýdaǵy menedjment» mamandyǵy boıynsha bitirgen. 

Eńbek jolyn 2000 jyly Tselınnyı ortalyq aýdandyq aýrýhanasynda dáriger-hırýrg bolyp bastady.

2006 jyly Tselınnyı ortalyq aýdandyq aýrýhanasynyń bas dárigeriniń emdeý jumysy jónindegi orynbasary bolyp taǵaıyndaldy.

2007 jyldan bastap Ǵabıt Músirepov atyndaǵy aýdannyń emhanasyna, ortalyq aýdandyq aýrýhanasyna basshylyq etti.

2016 - 2019 jyldar aralyǵynda Oblystyq týberkýlezge qarsy dıspanserdiń bas dárigeri bolyp qyzmet etti.

2019-2020 jyldary Soltústik Qazaqstan joǵary medıtsına kolledjine basshylyq etti.

2020 jylǵy aqpan aıynan bastap osy taǵaıyndaýǵa deıin Oblystyq ftızıopýlmonologııa ortalyǵyn basqardy.