SQO dárigerleri 14 jasar qyzdyń asqazanynan 1 kg jýyq shash pen jún alyp shyqty

PETROPAVL. QazAqparat – Soltústik Qazaqstan oblysynda dárigerler 14 jasar qyzǵa birneshe saǵat ota jasap, asqazanynan kelige jýyq shash pen jún aldy, dep habarlaıdy QazAqparat tilshisi.

SQO kóp beıindi balalar aýrýhanasynyń málimetinshe, emdeý mekemesine 14 jastaǵy qyz «ishim aýyrady» degen shaǵymmen qaralǵan.

FGDS jáne josparly tekserý barysynda onyń asqazanynda bógde zat bary anyqtalǵan.

Mamandardyń aıtýynsha, qyzǵa ota jasaý týraly sheshim qabyldandy. Ota kezinde balanyń asqazanynan trıhobezoar alyndy.

Bul termın «júnnen paıda bolǵan asqazan tasy» dep aýdarylady.

Trıhobezoar asqazanǵa shash, jún túskende paıda bolady, kóbine balalarda, sonyń ishinde shashyn, júndi zattardy shaınap jutatyn patologııasy bar qyzdarda paıda bolady.

Bul jaman ádet «trıhotıllomanııa» dep atalady.

Sonyń saldarynan asqazanda shyrysh pen taǵamnyń aralasýynan uıysqan asqazan «tasy» paıda bolady.

Birneshe saǵatqa sozylǵan otany balalar aýrýhanasy hırýrgııa bóliminiń meńgerýshisi Gennadıı Belıaev jasady.

Operatsııa sátti ótip, qyzdyń jaǵdaıy jaqsarǵannan keıin úıine jiberildi.

Buǵan deıin kardıologııalyq ortalyqtyń bólim meńgerýshisi Marına Mıtenko arterııalyq gıpertenzııanyń aldyn alý joldaryn aıtqan edi.

Qaýipti dertten byltyr óńirde 6 adam qaıtys boldy. Bul dıagnoz jańadan 5 myńnan astam adamǵa qoıyldy.