SQO-dan 200-deı azamat áskerı boryshyn óteıdi
Olardyń qatarynda 18 - 27 jastaǵylar, sondaı-aq oqý oryndarynan bitirgender, jasy 27-ge tolmaǵan jáne áskerı boryshyn ótemegen azamattar bar.
Soltústik Qazaqstan oblysynda merzimdi áskerı qyzmetke shaqyrylatyndar sakn 600-den asady. Olardyń ishinde 200-deı azamaty Qorǵanys mınıstrliginiń áskerı bólimderinde, qalǵan 400-i Ulttyq ulan, Memlekettik kúzet qyzmeti men UQK Shekara qyzmetiniń áskerı bólimderinde boryshyn óteıdi.
«Búginde áskerı qyzmet bedeldi jáne abyroıly sanalady. Áskerge kelýge nıet bildiretinder sany óte kóp. Árbir bozbala Aeroutqyr áskerlerinde, Memlekettik kúzet qyzmetinde, Ulttyq ulan men Shekara qyzmetinde qyzmet atqarǵysy keledi. Moraldy jáne psıhologııalyq turǵyda daıyndalǵan, densaýlyǵy myqty jastardy Qarýly Kúshterdiń, basqa da áskerler men áskerı quralymdardyń qataryna shaqyrý boıynsha mindetter 2015 jyldyń kúzinde tolyq kólemde oryndaldy. Kúzgi merzimdi áskerı qyzmetke shaqyrý barysyndaǵy negizgi mindet - shaqyrýǵa jasaqtyń teń bólinýin eskere otyryp, burynǵy aýmaqtyq qaǵıdat boıynsha QR Qarýly kúshterin, basqa da áskerleri men áskerı qurylymdaryn jasaqtaý», - dep atap ótti Soltústik Qazaqstan oblysynyń Qorǵanys isteri jónindegi departament basshysy, polkovnık Erkinbek Baıbolov.
Soltústik Qazaqstan oblysynyń jergilikti áskerı basqarý organdary sondaı-aq úmitkerlerdi kelisimshart boıynsha áskerı qyzmetke jáne Qorǵanys mınıstrliginiń áskerı oqý oryndaryna irikteý júrgizedi. Qazirgi kezde kelisimshart negizindegi qyzmettiń bedeli kún saıyn artyp keledi. Kelisimshart boıynsha áskerı qyzmetke tartý boıynsha túsindirme jáne ımıdjdik-nasıhattaý turǵysyndaǵy jumys oń nátıjeler berýde.