SQO-daǵy separatızmdi nasıhattaý isine qatysty tergeý bastaldy - Bas prokýratýra

PETROPAVL. QazAqparat - Bas prokýratýra áleýmettik jelide taraǵan beınejazbaǵa - Soltústik Qazaqstan oblysyndaǵy oqıǵaǵa qatysty túsinikteme berdi, dep habarlaıdy QazAqparat.

«30 naýryzda Soltústik Qazaqstan oblysy boıynsha Ulttyq qaýipsizdik komıteti departamentimen áleýmettik jelilerde «Petropavl qalasy jumysshylarynyń halyq keńesi» («Narodnyı sovet trýdıaşıhsıa goroda Petropavlovsk») qurylǵany jónindegi beınerolıkti ornalastyrý faktisi boıynsha Qylmystyq kodekstiń 180-babynyń 2-bóligimen (BAQ paıdalana otyryp adamadar tobymen separatızmdi nasıhattaý) sotqa deıingi tergep-tekserýdi bastaldy.

Osy kúni oblystyq polıtsııa departamenti men Ulttyq qaýipsizdik komıteti departamentiniń tergeýshilerinen jedel-tergeý toby quryldy.

Іs boıynsha protsess prokýrorlary aıqyndaldy», - dep jazdy vedomstvodan.

Ondaǵy málimetterge qaraǵanda, sotqa deıingi tergep-tekserý aıasynda jedel-tergeý is-sharalary, onyń ishinde tintý men alý júrgizilýde, sondaı-aq tıisti sot saraptamalary taǵaıyndaldy.

Qylmystyq-protsestik kodekstiń 201-babyna sáıkes ózge derekter jarııa etilýge jatpaıdy.

Tergeý barysy Bas prokýratýranyń baqylaýynda.