SQO-daǵy modýldi ınfektsııalyq aýrýhanadan KVI juqtyrǵan sońǵy syrqat jazylyp shyqty
SQO densaýlyq saqtaý basqarmasy baspasóz qyzmetiniń málimetinshe, koronavırýstan jazylyp, úıine shyǵarylǵan sońǵy patsıenttiń jasy 64-te. Áıel 24 naýryz kúni modýldi ınfektsııalyq aýrýhanaǵa óte aýyr halde túsken. KVI saldarynan onyń eki ókpesi qabynyp, basqa aýrýlary asqynǵan. Naýqas birneshe kún jansaqtaý bóliminde jatty, dárigerler onyń ómiri úshin kúresti. Jaǵdaıy aıtarlyqtaı jaqsarǵan áıeldi búgin aýrýhana ujymy shyǵaryp saldy. Naýqas endi turǵylyqty jeri boıynsha dárigerlerdiń baqylaýyna alynbaq.
Jalpy modýldik ınfektsııalyq aýrýhana ashylǵaly KVI juqtyrǵan, aýyr haldegi 3434 naýqasty emdep, jazdy.
«Qazirgi ýaqytta oblys boıynsha koronavırýs juqtyrǵandarǵa arnalǵan 30 ınfektsııalyq oryn bar. Onyń 20-sy modýldi ınfektsııalyq aýrýhanada, beseýi oblystyq kópbeıindi aýrýhanada jáne qalǵany qalalyq kópbeıindi aýrýhanada ornalasqan. Budan basqa jansaqtaý bólimshesinde 10 oryn bar. Barlyq aýdandarda ınfektsııalyq statsıonarlar jabyldy», - deıdi SQO densaýlyq saqtaý basqarmasynyń baspasóz hatshysy Gúlnar Qalıeva.
Іndet bastalǵaly oblysta 44 378 adam aýyrdy, 484 syrqat qaıtys boldy.