SQO-daǵy gıdrotehnıkalyq qurylystardyń 60 paıyzy eskirgen

PETROPAVL. QazAqparat - Soltústik Qazaqstan oblysynda 26 gıdrotehnıkalyq qurylys bolsa, sonyń alpys paıyzy eskirgen. ıAǵnı, tasqyn sýǵa tótep berý múmkindigi tómen. Sý resýrstaryn paıdalanýdy retteý jáne qorǵaý jónindegi  Esil basseındik ınspektsııasy óńirdegi sý sharýashylyq nysandaryn tekserdi, dep habarlaıdy QazAqparat.

Qazir oblysta 26 sý sharýashylyǵy nysany bar. Onyń altaýy respýblıkalyq menshikte bolsa, 3-eýi jeke, qalǵany kommýnaldyq menshikte.

«Gıdrotehnıkalyq qurylystardyń basym bóligi 50-80 jyldary salynǵan. Al, jalpy, olardyń paıdalaný merzimi - qyryq jyl. ıAǵnı, sý sharýashylyǵy nysandarynyń 60 paıyzy bul kúnderi eskirgen», - deıdi Esil basseındik ınspektsııasynyń aýmaqtyq bólim jetekshisi Azamat Qojanov. 

Apattyq jaǵdaıda turǵan Sharyq sý toraby búginde «2020 jylǵa deıin agroóndiristik keshendi damytý» memlekettik baǵdarlamasynyń josparyna engen. Tasqyn sýdyń zardabyn azaıtý maqsatynda óńirde basqa da mańyzdy nysandar birtindep jóndelip jatyr.

«Gıdrotehnıkalyq qurylystardyń mańyzy óte joǵary. Sol sebepti oblystyq ákimdik jylda qarjy bólip, komıssııalyq zertteýler júrgizip turady. Petropavl jáne Sergeev sý toraptary 2019 jylǵy sý tasqynyna daıyn. Bıyl Ýálıhanov aýdanyndaǵy «Segiz kóz» sý jiberý qurylysy kúrdeli jóndeýden ótip jatyr. Jyl sońyna deıin paıdalanýǵa beriledi. Oblys joldaryndaǵy úlken dıametrli sý ótkizgish qubyrlardyń jeteýine kúrdeli jóndeý júrgizildi», - deıdi Soltústik Qazaqstan oblysy ákiminiń orynbasary Anton Fedıaev.

Sondaı-aq, Esil ózeniniń Qyzyljar aýdany jáne Petropavl qalasynan ótetin ańǵarlaryn zerttegen mamandar ruqsat etilmegen jerlerde tórt túliktiń sýarylatynyn anyqtaǵan. Al, demalys ornynyń sý ústinde zańsyz jumys istep turǵan monshasy tekseris bastalǵanǵa deıin buzyldy.

Avtor: Aqerke Dáýrenbekqyzy