SQO-daǵy Beskól aýylyndaǵy kóshelerdi jóndeýge 800 mln teńge jumsalady
SQO ákimi Qumar Aqsaqalov jumys babymen Qyzyljar aýdanynda bolyp, qurylys nysandaryna bardy. Bul jaıynda óńir basshysynyń baspasóz qyzmeti málim etti.
Bıyl Qyzyljar aýdanyndaǵy Beskól aýylynda halyqtyń turmysyn jaqsartatyn aýqymdy jumys atqarylmaq. 40 kóshe jóndelip, oǵan 800 mln teńge jumsalady. Taǵy 60 mln teńgege kóshege jaryq tartylady. Aýdan ortalyǵyndaǵy jylý júıesi men qazandyq jańartylyp, nátıjesinde qýaty artqan ortalyqtandyrylǵan jelige 18 kópqabatty úı qosyldy. Jylytý maýsymyna deıin taǵy 32 úı qosylady.
Oblys ákimi sondaı-aq ıAkor eldi mekeninde bolyp, keshendi júrgizilip jatqan abattandyrý jáne qurylys jumystarymen tanysty. Byltyr aýylynda mektep kúrdeli jóndeý júrgizildi. Bıyl sý tartylyp, 150 mln teńgege kóshe joly jónge keltiriledi. Birneshe jyldan beri bos turǵan balabaqsha ǵımaraty jóndelip, paıdalanýǵa beriledi. Fýtbol alańy bar, trenajerlar ornatylǵan balalar sport alańy da salynbaq.
Asanovo aýylynda da jol qalypqa keltirilip, mektep jóndeledi. Kósheni jóndeýge 156 mln teńge bólindi. Sokolovka eldi mekeninde de turǵyndar kópten kútken jumys atqarylmaq. 74 mln teńgege aýyl ishilik jol salynyp, túzeý mektebi men dárigerlik ambýlatorııa kúrdeli jóndeledi.
«Biz qazir bolashaǵy bar aýyldarda keshendi jóndeý júrgizip jatyrmyz. Bir jylda birden mektep, ambýlatorııa, joldar men sý jelileri jóndelýde. Ózekti máseleler sheshimin tabýda. Okrýg ákimderi jumyssyz qaldy deýge bolady», - dep atap ótti Qumar Aqsaqalov.