SQO-daǵy sharýashylyqta 60-qa jýyq iri qaradan brýtsellez anyqtaldy

<p>PETROPAVL. KAZINFORM &ndash; Soltústik Qazaqstan oblysy Aıyrtaý aýdany &laquo;Gýsakovka&raquo; JShS-de 57 bas iri qaradan brýtsellez aýrýy anyqtaldy.</p>

SQO veterınarııa basqarmasynyń málimetinshe, óńirde 10 sáýir men 7 maýsym aralyǵynda veterınarlyq is-sharalar júrgizilgen. Sonyń nátıjesinde «Gýsakovka» JShS-degi sıyrlardan aýrý anyqtaldy.

Veterınarlyq talaptarǵa sáıkes 57 iri qara maldyń 15 kún ishinde kózi joıylýy tıis. Al sharýashylyqqa brýtsellezge qatysty shekteý sharalary engizildi.

«Saýyqtyrý is-sharalary aıasynda respýblıkalyq epızootııaǵa qarsy jasaq árbir 15-20 kún saıyn iri qara maldy brýtsellezge tekserip otyrady. Sondaı-aq ári qaraı taralmaýy úshin úı-jaılardy zararsyzdandyrady. Shekteý rejımi engizilgen jaǵdaıda mal ónimderin shyǵarýǵa ýaqytsha tyıym salynady. Shekteý sharasy úı-jaılar tolyq dezınfektsııadan ótken soń jáne qatarynan eki ret teris nátıje bergen jaǵdaıda alynady», - delingen baspasóz habarlamasynda.

«Gýsakovka» JShS-de 460 bas iri qara mal bar.

Buǵan deıin SQO-da mamyr aıynda 52 iri qara maldan brýtsellez aýrýy anyqtalǵanyn jazǵan edik.