SQO-daǵy Sharyq sý torabyn qalpyna keltirý úshin 2 mlrd teńge qajet

<p>PETROPAVL. KAZINFORM &ndash; Soltústik Qazaqstan oblysyndaǵy sý toraptary kóp faktorly tekseristen ótti. Bıylǵy kóktemgi sý tasqynynda nysandar mol sýdy ótkizip, qalypty jumys isteýge daıyn.&nbsp;</p>

«Qazsýshar» RMK SQO fılıalynyń dırektory Shuǵaıyp Ibatýllınniń aıtýynsha, sý toraptaryn tekserýge respýblıkalyq bıýdjetten 28 mln teńge bólindi. Petropavl, Sergeev sý toraptary qalypty jumys istep tur.

«Qaýipti aqaýlar tabylmady. Ǵ. Músirepov atyndaǵy aýdannyń Sharyq ózeninde ornalasqan sý toraby kezinde aýyl sharýashylyǵy alqaptaryn sýarý maqsatynda salynǵan, kólemi 8 mln tekshe metr. Bizge 2004 jyly berildi. Al 2016 jyldan bastap tranzıttik rejımde jumys istep tur. Nysan apattyq dep tanylǵan. Sý torabyn qaıta aýyl sharýashylyq maqsatta qoldaný úshin 2 mlrd teńgeden astam qarjy quıý kerek. Biraq óńirde ondaı qarajat jumsaýǵa daıyn sharýashylyqtar joq. Sondyqtan jóndep, qalpyna keltirý tıimsiz. Búginde apatty jaǵdaıda turǵanymen, turǵyndarǵa keler qaýip joq. Sý tasqyny kezinde kelgen sýdy esh qıyndyqsyz ótkizýge qaýqarly», - deıdi Shuǵaıyp Ibatýllın.

«Qazgıdromet» RMK bıyl SQO-ǵa 1 mlrd 700 mln tekshe metr sý keledi dep boljap otyr. Bul jyldaǵydan 40 % kóp. Kóp jylǵy tájirıbege súıengen mamandar Sergeev sý torabynan sý 2 metrden asyp tógiledi dep esepteıdi.

«Qansha sý kelse, sonshasyn qabyldaımyz. Aldyn ala daıyndalýdyń qajeti joq. Ol esh áser etpeıdi kóktemgi sý tasqynyna. Qazirgi ýaqytta mekemede jedel áreket etetin shtab quryldy. Nysandar komıssııalyq tekseristen ótedi. Naýryz aıynyń sońynda mamandar táýlik boıy kezekshilik atqaryp, monıtorıng júrgizedi. Sý qoımalarynyń tolý deńgeıi men jumysyn tıisti memlekettik organdarǵa habarlap otyrady», - deıdi Shuǵaıyp Ibatýllın.