SQO-daǵy kardıologııalyq ortalyqqa 710 mln teńgeniń zamanaýı angıografy alyndy

<p>SQO-da bıyl 5,1 mlrd teńgege zamanaýı medıtsınalyq qondyrǵylar alynbaq. Soltústik Qazaqstan oblysyndaǵy kópbeıindi aýrýhananyń kardıologııalyq ortalyǵy kardıologııalyq, arıtmologııalyq, angıohırýrgııalyq - jalpy qan aınalym júıesiniń aýrýlaryn emdeýge múmkindik zamanaýı angıografpen tolyqty, dep habarlaıdy <a href="Kazinform." target="_blank" rel="noopener">Kazinform.</a></p>

Kardıologııalyq ortalyq dárigerleriniń aıtýynsha, jańa qondyrǵymen qazirgi ýaqytta kúnine 10-15 adamǵa ota jasalady. Ereksheligi – syrqatqa narkoz salynbaıdy jáne operatsııa tilik arqyly júrgiziledi. Al dáriger aldyndaǵy úlken monıtordan naýqastyń qan tamyryn jaqynnan kóre alady. 

«Mundaı zamanaýı qondyrǵylar júrek-qan tamyrlary aýrýlaryn ózimizde emdeýge múmkindik beredi. Máselen óńirde ınfarkttan qaıtys bolý kórsetkishi 2 esege azaıdy. Bul óte jaqsy nátıje. Jalpy mundaı qan aınalym júıesine otalardy biz 2009 jyldan beri isteımiz. Tájirıbemiz bar», - deıdi bólimshe meńgerýshisi Dmıtrıı Te.

Foto: SQO ákimdiginiń baspasóz qyzmeti

Mamandardyń aıtýynsha, qazirgi ýaqytta kardıologııalyq ortalyq júrek qaqpaqshasyn ózdiginen aýystyrady. Byltyr osyndaı 30 ota jasalǵan. SQO ákimi Ǵaýez Nurmuhambetov emdeý mekemesin aralap, angıograftyń múmkindikterimen tanysty.

«Angıograftyń kómegimen bizdiń kardıohırýrgtar júrek pen qan tamyrlaryna joǵary tehnologııalyq otalar jasaýda. 3D beıneniń arqasynda ınfarkt, ınsýlt jáne basqa da aýrýlardy emdeý jaqsardy. Aıta ketý kerek, bul kardıologııalyq ortalyqqa ornatylǵan ekinshi angıograf. Taǵy bir zamanaýı angıograf kópsalaly qalalyq aýrýhanada ornatylýda. Jalpy, 2024 jyly oblysta medıtsınalyq qondyrǵylardy alýǵa 5,1 mlrd teńge bólindi. Bizdiń aýrýhanalar ÝZI, tsıfrlyq rentgen, ókpeni jasandy jeldetý qurylǵylary, flıýorograftar jáne narkoz-tynys alý apparattarymen tolyǵady», - dedi óńir basshysy.