SQO-daǵy árbir tórtinshi jol-kólik oqıǵasynda júrginshi zardap shegedi

<p>PETROPAVL. KAZINFORM &ndash; Soltústik Qazaqstan oblysynda &laquo;Quqyqtyq tártip&raquo; jedel aldyn alý is-sharasynyń birinshi kezeńi aıaqtaldy. On kún ishinde polıtseıler júrginshiler tarapynan jol qozǵalysy erejelerin buzýdyń 315 deregin anyqtady.</p>

SQO polıtsııa departamenti baspasóz qyzmetiniń málimetinshe, jol-kólik oqıǵalarynyń eń kóp taraǵan túrleriniń biri – jaıaý júrginshini qaǵyp ketý. Oblysta jyl basynan beri osyndaı 25 fakti tirkeldi, 2 adam qaza taýyp, 24 adam jaraqat aldy.

Reıdter men jedel-aldyn alý is-sharalary barysynda tártip saqshylary jol qozǵalysy erejelerin óreskel buzý faktilerin anyqtaýǵa baǵdarlanǵan. Oǵan júrginshiler ótkelderin júrip ótý erejelerin buzý kiredi. Sonymen qatar, jaıaý júrginshilerdiń tártibi de polıtseılerdiń narazylyǵyn týdyratyndyǵyn atap ótken jón.

SQO polıtsııa departamenti jergilikti polıtsııa qyzmeti basqarma bastyǵynyń mindetin atqarýshy Aleksandr Rozbah: «Joldy belgilenbegen jerde nemese baǵdarshamnyń tyıym salynǵan sıgnalyna ótý — joldarda eń jıi tirkeletin derekterdiń qatarynda. Máselen, 20 mamyrda aıaqtalǵan «Quqyqtyq tártip» jedel-aldyn alý is-sharasynyń alǵashqy 10 kúni ishinde oblysta jaıaý júrginshiler 315 ret jol júrý erejesin buzǵan. Bul kólik júrgizýshileriniń jaıaý júrginshiler ótkelderinen ótý erejesin buzýdan áldeqaıda kóp, mundaı 29 fakti tirkelgen. Jol qozǵalysynyń barlyq qatysýshylarynan jol qozǵalysy erejelerin qatań saqtaýdy suraımyz. Esterińizde bolsyn, joldaǵy qaýipsizdik jeke tártipten bastalady», - deıdi.

Buǵan deıin Almatyda aqbóken múıizderin satpaq boldy degen kúdikpen 4 adamnyń ustalǵanyn aıtqan edik.