SQO-da zırattardy túgendeý jumysy bastaldy

<p>PETROPAVL. KAZINFORM &ndash; Soltústik Qazaqstan oblysynda múftııattyń tapsyrmasymen meshit qyzmetkerleri IT salasynyń mamandary jáne eriktilerdiń kómegimen zırattardy túgendep, aerotúsirilim jasap jatyr.&nbsp;</p>

Qazaqstan musylmandar dinı basqarmasynyń janynan qurylǵan «QAMQOR SHARAPAT» salttyq qyzmet kórsetý ortalyǵynyń dırektory Meırambek Qabylbekulynyń aıtýynsha, mundaı jumys el boıynsha qolǵa alynǵan. Maqsat — zırattardy damyǵan memleketterdegideı birizdilikke keltirý, qabir kóterý mádenıetin qalyptastyrý. Jerleýde ysyrapqa jol bermeý. 

«Qazir tsıfrlandyrý zaman talaby, ony zırattarǵa da qoldanyp, ata-babalaryn tappaı qalǵan adamdarǵa kómek retinde arnaıy ortaq baza jasamaqshymyz. ıAǵnı «Jerleu» degen qosymsha bolady. Sonyń ishine respýblıkadaǵy barlyq zırattardy engizemiz. Keıin sol qosymshaǵa kirgen adam týys-tanysynyń aty-jónin jazyp, engizý arqyly onyń qaı jerde, qaı zıratta jatqanyn bile alady. Onyń ishinde taǵy „kıeli jerler“ degen bólim bolady. Mysaly, bul bólimge Máshhúr Júsip, Beket Ata, Báıdibek ata sekildi kıeli adamdardyń mazaryn engizemiz», - deıdi Meırambek Qabylbekuly.

Bul qosymshany jyl sońyna deıin qoldanysqa engizý josparlanǵan. SQO — mamandar jumys istep jatqan 15-shi óńir. 

«Biz IT salasynyń mamandarymen memorandýmǵa otyrdyq. Jyldyń aıaǵynda elimizdiń óńirlerindegi zırattardy tsıfrlandyryp bolǵannan keıin iske qosamyz. Joǵarydan aerotúsirilim jasalyp, zırattardyń shekarasy belgilenedi, al meshitterdiń qyzmetkerleri, eriktiler ár qabirdiń basyna baryp, qulpytasty fotoǵa túsirip, ony aerotúsirilimmen baılanystyryp, ortaq bazaǵa jınap jatyr», — deıdi Meırambek Qabylbekuly.

Ortalyq dırektorynyń aıtýynsha, qosymshada budan basqa paıdaly keńester — adam qaıtys bolǵanda ne isteý qajettigi týraly nusqamalar engiziledi, aqtyq sapar aldynda máıitti jýyndyrý, kebindeý tártibi sııaqty joralǵylar bolady.

Buǵan deıin SQO-da referendýmda 600-ge jýyq ýchaske jumys isteıtinin jazǵan edik.