SQO-da jyl basynan beri 4 esirtki zerthanasy joıyldy
SQO polıtsııa departamenti baspasóz qyzmetiniń málimetinshe, búgingi tańda óńirde 573 adam nashaqor retinde esepte tur, onyń ishinde 40 áıel men 1 jasóspirim bar. 6 aı ishinde dárigerler esirtki dozasyn asyra paıdalaný faktileri boıynsha 22 shaqyrtýǵa barǵan. Úsh jaǵdaıda esirtki paıdalanǵandar kóz jumdy, qaıtys bolǵandardyń biri – áıel.
Polıtseılerdiń aıtýynsha, «qara naryqty» sıntetıka esirtki jaýlap aldy. Mundaı esirtkini kez-kelgen aýmaqta, ıaǵnı quramynda esirtki bar ósimdikterden alshaq jerlerde jasap shyǵarýǵa bolady.
«Jyl basynan respýblıkada 10 esirtki zerthanasy joıyldy, onyń 4-ýi Soltústik Qazaqstanda bolǵan. Úsh jaǵdaıda kúdiktiler mefedrondy jáne «tuzdy» jasaǵan. Eki zerthanany qylmystyq toptar uıymdastyrǵan, olardyń bireýi esirtki jasaý jolyn tolyq ıgergen: kontsentratty jasaýdan bastap, daıyn «ónimdi» satýǵa deıin barǵan», - deıdi SQO polıtsııa departamenti esirtki qylmysyna qarsy is-qımyl basqarmasynyń bastyǵyJandos Basybaev.
Jyl basynan oblysta esirtki satýdyń 29 faktisi, saqtaýdyń – 65, esirtki kontrabandasynyń 5 deregi tirkelgen. Budan bólek, rólge esirtkige elitip otyrǵan 21 júrgizýshi ákimshilik jaýapqa tartyldy. Zańsyz aınalymnan 125 kg esirtki zaty tárkilendi, onyń 4 kg astamy sıntetıka esirtki.