SQO-da jyl basynan 1200 eńbek mıgranty jumysqa ornalasty
SQO polıtsııa departamenti baspasóz qyzmetiniń málimetinshe, bir aı buryn óńirde eńbek mıgranttaryna ruqsat berýdiń jańa formaty engizildi. Endi oblys aýmaǵynda jumys isteýge ruqsat alý úshin nemese merzimin uzartý úshin mıgratsııalyq qyzmettiń bólimderine barýdyń qajeti joq. 14 qyrkúıekten bastap bul memlekettik qyzmetti barlyq qalalyq jáne aýdandyq halyqqa qyzmet kórsetý ortalyqtary kórsete bastady.
«Іndetke baılanysty jumysty jańasha qurýǵa májbúr boldyq. Bir aıdyń ishinde halyqqa qyzmet kórsetý ortalyqtary arqyly 95 patent berildi.
Jalpy jyl basynan 1293 sheteldik azamat óńir aýmaǵynda jumys isteýge ruqsat aldy. HQO-ǵa belgili formada toltyrylǵan ótinish-saýalnamany, jeke tabys salyǵyn aldyn ala tólegen túbirtek kóshirmesi, memlekettik shekarany ótti degen belgisi bar jeke kýáliginiń kóshirmesi, aýyrmaıtyndyǵy jóninde medıtsınalyq anyqtama, daktıloskopııadan ótkendigi týraly anyqtama, foto sýret pen medıtsınalyq saqtandyrýdyń kóshirmesin tapsyrý qajet», -deıdi SQO PD mıgratsııa qyzmeti basqarmasynyń bastyǵy Talǵat Ábilev.
Mamandardyń aıtýynsha, SQO-da eńbek etýge ruqsatty eń kóp alǵan Ózbekstan azamattary – 574 adam, Tájikstannyń 378 jáne Ázerbaıjannyń 332 azamaty alǵan. Sheteldikter kóbine úı jumystaryna – bala kútýshi, baǵban jáne qara jumysshy bolyp ornalasady jáne qurylys jumystaryna tartylýda.
Al SQO aýmaǵynda zańsyz jumys istegeni úshin jyl basynan 65 sheteldik ákimshilik jaýapkershilikke tartyldy. Eńbek mıgranttaryn zańdy buza otyryp jumysqa tartqany úshin Qazaqstannyń 21 azamaty jaýap berdi.