SQO-da jóndelip jatqan joldar jarylyp, oıylyp qalǵan

<p>PETROPAVL. KAZINFORM &ndash; Soltústik Qazaqstan oblysynda kún jylynǵaly jol sapasy tekserilip jatyr. Nátıjesi kóńil kónshitpeıdi.</p>

«Jol aktıvteri sapasynyń ulttyq ortalyǵy» SQO fılıalynyń málimetinshe, jol qurylysy maýsymy bastalǵaly mamandar jóndelip jatqan 13 nysandy ishinara tańdap, qoldanylǵan materıaldyń jáne atqarylǵan jumystyń sapasyn teksergen. Respýblıkalyq mańyzy bar bul joldarǵa 44 ret baryp, baqylaý júrgizgen. Nátıjesinde 20 aqaý anyqtaldy. Olardyń 19-y boıynsha tıisti jumys júrgizilip, kemshilikter joıyldy.

«Petropavl-Jezqazǵan» A-16 avtojolynda aǵymdaǵy jóndeý júrgizilip jatyr. Joldyń 905 km-de asfalt-beton jabyndy jarylyp, oıyqtar paıda bolǵan. Qoldanylǵan qurylys materıaldaryna 97 synama alynyp, 12 % talapqa saı kelmegen. 

Jalpy ulttyq ortalyq bıyl SQO-da respýblıkalyq mańyzy bar avtojoldardyń 1 552,4 km-ne, onyń ishinde 235 km kepildi ýchaskege dıagnostıka júrgizbek. 

Buǵan deıin SQO-da tasqyn sýdyń beti qaıta bastaǵanyn aıtqan edik.