SQO-da mamandar jol tóseý barysynda jıi jiberiletin kemshilikterdi atady

<p>PETROPAVL. KAZINFORM &ndash; Soltústik Qazaqstan oblysynda byltyrǵy jol-qurylys maýysymynda salynyp, jóndelgen 163 nysan tekserilip, 190 kemshilik anyqtaldy.</p>

SQO-da byltyr 700 km jol jóndeldi. Bul - respýblıkalyq, oblystyq, aýdandyq mańyzy bar jáne aýylishilik joldar.

Qyrýar qarjy jumsalǵan jumystyń normatıvti-tehnıkalyq talapqa saı kelýin tekserý maqsatynda «Jol aktıvteri sapasynyń ulttyq ortalyǵy» RMK Soltústik Qazaqstan oblystyq fılıalynyń ókilderi 163 nysandy tańdap alyp, teksergen. Sondaı-aq jol-qurylys materıaldarynyń 1600-ge jýyq synamasy alyndy. Joldar boıynsha - 190, qurylys materıaldary boıynsha 597 olqylyq anyqtaldy.

«Oblystyq mańyzdaǵy joldarǵa keler bolsaq, 12 nysan nazarǵa alynyp, 333 synama tekserildi. Onyń 121-i, ıaǵnı 85 % talapqa sáıkes kelmedi. Merdigerlerge jiberilgen qatelikterdi túzetý mindeti qoıyldy. Nátıjesinde 107 synama boıynsha kemshilik túzetildi. Materıal quramynda sýdyń kóp bolýy, tyǵyzdyq koeffıtsıenti, qysý kezinde beriktik shegi parametrleriniń saı bolmaýy jıi kezdesedi. Aýdandyq mańyzdaǵy, aýylishilik joldarda asfalt-beton jabyndysy jarylyp ketken, oıyqtar bar, keıbiriniń pasporty bolmady», - deıdi «Jol aktıvteri sapasynyń ulttyq ortalyǵy» RMK Soltústik Qazaqstan oblystyq fılıalynyń dırektory Joldybaı Tentekov.

Ortalyq dırektorynyń aıtýynsha, kemshilikterdiń basym bóligi túzetildi, qalǵanyn kún jylynysymen merdigerler jónge keltirmek. Máselen bir jyl ishinde anyqtalǵan 190 kemshiliktiń 141-i boıynsha tıisti jumys júrgizildi, qalǵan 49-y nazarǵa alynǵan.