SQO-da joǵalǵan búldirshin úıinen 5 shaqyrym jerden tabyldy

<p>PETROPAVL. KAZINFORM &ndash; <strong>SQO polıtseıleri joǵalǵan búldirshindi úıinen 5 shaqyrym jerden izdep tapty</strong><strong>.</strong></p>

ІІM baspasóz qyzmetiniń málimetinshe, Qyzyljar aýdany Báıterek aýylynyń turǵyndary «102» arnasyna qońyraý shalyp, 5 jasar qyzynyń joǵalǵanyn habarlady. Joǵalǵan qyzdyń týǵandary tóńirekti qarap shyqqan, balany tappaǵan soń tártip saqshylaryna júgingen.

Aýdandyq polıtsııa bóliminiń jeke quramy dereý izdestirý jumystaryn bastap ketti. Aýyl ishin aralaý nátıje bermegen soń, polıtseıler izdestirý aýmaǵyn keńeıtti. Nátıjesinde joǵalǵan qyz bala Jezqazǵan — Petropavl tas jolynda Podgornoe aýyly baǵytynda shamamen úıden 5 shaqyrym jerde tabylyp, aman-esen ata-anasyna qaıtaryldy.

Búldirshinniń jaqyndary tártip saqshylaryna shyn júrekten rızashylyq bildirdi.