SQO-da jylqy izdeýge shyǵyp adasyp ketken eki er adam aman tabyldy

<p>PETROPAVL. KAZINFORM &ndash; Soltústik Qazaqstan oblysynda Ýálıhanov aýdanynyń eki turǵyny MTZ traktorymen jylqy izdeýge shyǵyp adasyp ketti.&nbsp;</p>

SQO Tótenshe jaǵdaılar departamenti baspasóz qyzmetiniń málimetinshe, 21 aqpan kúni 1976 jyly týǵan traktorshy men 1969 jyly týǵan jylqyshynyń tabylmaı jatqandyǵy týraly habar túsken.

Túngi saǵat 01.30 mın ketkende Ýálıhanov aýdany Qaırat aýylynyń mańynda SQO tótenshe jaǵdaılar departamentiniń, polıtsııa bóliminiń, jergilikti atqarýshy organdardyń jáne turǵyndardyń kúshimen izdestirý jumysy bastaldy. Oǵan 26 adam jáne 10 tehnıka tartyldy.

Joǵalǵan eki adam búgin tańǵy saǵat 8.30 shamasynda aman-esen tabyldy.

Traktorshy men jylqyshyny qutqarýshylar TREKOL jol talǵamaıtyn kóligimen sol mańdaǵy aýyldardyń biriniń janynan tapty. Turǵyndarǵa medıtsınalyq kómek qajet bolmady.