SQO-da jyl basynan beri ishek ınfektsııasyn juqtyrýdyń 100-den astam jaǵdaı tirkeldi

<p>PETROPAVL. KAZINFORM &ndash; Soltústik Qazaqstan oblysynyń sanıtarııalyq-epıdemıologııalyq baqylaý departamenti sý tasqyny kezeńinde kúsheıtilgen rejımde jumys istep, epıdemıologııalyq jaǵdaıdy baqylaýǵa alǵan.</p>

SQO sanıtarııalyq-epıdemıologııalyq baqylaý departamentiniń basshysy Áset Jumataev brıfıngte qazirgi epıdemıologııalyq jaǵdaı týraly aıtyp berdi. Oblysta jiti ishek ınfektsııalarymen jáne A gepatıtimen syrqattanýshylyq boıynsha jaǵdaı turaqty. Sý tasqynyna baılanysty ósý baıqalmaıdy.

«Kún saıyn jiti ishek ınfektsııalarynyń, salmonellezdiń, A gepatıtiniń, asa qaýipti juqpaly aýrýlardyń epıdemıologııalyq jaǵdaıyna monıtorıng júrgiziledi. Sońǵy 3 aıda oblysta A gepatıtiniń 3 jaǵdaıy tirkeldi, ótken jyldyń uqsas kezeńinde de 3 adam aýyrǵan edi. Syrqattanǵandardyń barlyǵy – eresekter. Jiti ishek ınfektsııasy boıynsha barlyǵy 103 jaǵdaı tirkeldi, onyń 54-i 14 jasqa deıingi balalar arasynda boldy, balalardyń aýyrýy eki ese ósken. Bul maýsymdyq kóbeıý», - deıdi Áset Jumataev.

Mamannyń aıtýynsha, A gepatıti kóbine sý arqyly juǵady. Sondyqtan dáriger halyqqa osy ınfektsııaǵa qarsy ekpe alýdy usynady. Ekpe josparly túrde 2 jáne 2,5 jasta tegin, turǵylyqty jeri boıynsha emhanada qoıylady, vaktsına jetkilikti mólsherde bar. Osy jasta vaktsına almaǵandardyń 18 jasqa deıin tegin vaktsına alý múmkindigi bar.