SQO-da jyl basynan beri elektr jelilerinde 1,2 myńnan astam apat tirkeldi

<p>PETROPAVL. KAZINFORM &ndash; Soltústik Qazaqstan oblysynda elektr jelileri 96,6% tozǵan. Saldarynan byltyr elektrmen qamtý jelisinde 1,3 myńnan astam apat tirkelse, bıyl segiz aıda olardyń sany 1254-ke jetken.&nbsp;</p>

Petropavl qalasy men oblystyń segiz aýdanyn elektr energııasymen «Soltústik Qazaqstan elektrjelistik taratý kompanııasy» AQ qamtysa, óńirdiń qalǵan ońtústik aýdandaryna «Kókshetaý Energo» JShS qyzmet kórsetedi. Budan bólek oblys aýmaǵynda jańartylatyn energııa kózi – 7 nysan jumys isteıdi, olar: Sergeev GES-i jáne «Zenchenko jáne K» KS-niń 4 jel generatory, «Ivan Zenchenko» JShS-niń 2 jel generatory.

SQO energetıka jáne turǵyn úı-kommýnaldyq sharýashylyǵy basqarmasynyń basshysy Danııar Qýanyshbaevtyń aıtýynsha, óńir boıynsha elektr jelileriniń uzyndyǵy 23,5 myń km, «Soltústik Qazaqstan elektrjelistik taratý kompanııasy» AQ boıynsha tozý 96,6%, «Kókshetaý Energo» JShS boıynsha elektr jelileriniń 80,6% aýystyrýdy qajet etedi.

«Qysqy kezeńde úzdiksiz elektrmen jabdyqtaýdy qamtamasyz etý maqsatynda bıyl eki energııa berýshi kompanııa boıynsha 1484 km jelini jáne 230 qosalqy stantsııany 5 mlrd teńgege kúrdeli jóndeý jáne rekonstrýktsııalaý josparlanǵan, onyń 96,5% oryndaldy.

Jelilerdiń tozýyna baılanysty elektr jelilerindegi apattar sany artty.

Máselen bıylǵy 8 aıda jergilikti kompanııa jelilerinde 1254 apat, onyń ishinde sý tasqyny saldarynan 57 apat tirkeldi.

«Kókshetaý energo» JShS byltyr 345 apat bolsa, bıyl ol 33,3% artyp, 460 apat tirkeldi. Onyń ishinde Taıynsha aýdanyndaǵy jaǵdaı qıyn, jyl basynan beri 230 apat bolǵan», - deıdi Danııar Qýanyshbaev.

Oblysty elektrmen qamtýǵa qatysty máseleni sheshý úshin elektr jelilerin jańǵyrtý jóninde is-sharalar jospary ázirlengen. 

«Josparda 2027 jylǵa qaraı jeliniń tozýyn 95%-ten 81%-ke deıin tómendetý mindeti tur, ol úshin 150 km elektr jelilerin aýystyrý arqyly aýyldyq elektrmen jabdyqtaý júıesin jyl saıyn jańǵyrtý josparlanǵan.

Jospardy oryndaý aıasynda oblystyń jeti aýdanynda jalpy somasy 4,3 mlrd teńgege 0,4 kV áýe jelisin salý boıynsha 15 joba ázirlendi jáne «Aýyl - el besigi» baǵdarlamasy arqyly beıindi mınıstrlikke jiberildi, alaıda bul jobalar qoldaý tappady. Sondyqtan qazirgi ýaqytta 2025 jylǵa arnalǵan bıýdjettik ótinim berildi.

Budan basqa, úzdiksiz elektrmen jabdyqtaýdy qamtamasyz etý úshin basqarma kommýnaldyq elektr jelilerin energııa berýshi uıymdarǵa senimgerlik basqarýǵa berý josparyn ázirledi. Oblystyń toǵyz aýdany boıynsha 100 km jelini berý josparlanǵan.

Sondaı-aq, oblys boıynsha uzyndyǵy 6,75 km ıesiz elektrmen jabdyqtaý jelisi jáne 6 shaǵyn transformator stansasy bar. Bul másele de sheshilýi tıis», - deıdi basqarma basshysy.

Buǵan deıin SQO-da respýblıkalyq mańyzy bar avtojoldardy qysta kútip ustaýǵa 1,2 mlrd teńge bólingenin jazǵan edik.