SQO-da jyl basynan beri bes adam sańyraýqulaqtan ýlandy
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, sańyraýqulaqtan ýlanǵandardyń barlyǵy derlik ony úıde tutynǵan, aralarynda úı jaǵdaıynda marınadtalǵan túrin jegender de bar.
«Konservilengen sańyraýqulaqty jeýden bolatyn aýrýdyń eń aýyr túri – botýlızm. Botýlızm bakterııasynyń toksınderi aǵzany ýlap, saldarynan júıke júıesi aýyr zaqymdalady. Ádette aýrý belgileri 12-72 saǵattan keıin paıda bolady. Botýlızmniń belgileri: bas aýrýy, aýyzdyń qurǵaýy, júrek aıný, qusý, dıareıa, deneniń qurysýy, jutynýdyń qıyndaýy jáne kóz aldy bulyńǵyrlanyp, kórý qabiletiniń buzylýy. Eger osy aıtylǵandardyń kem degende bir-ekeýin baıqasańyz, shuǵyl túrde dárigerge qaralǵan jón. Botýlızm toksıni óte qaýipti, aǵzaǵa áser etýden ol kóptegen hımııalyq jáne bıologııalyq ýlardyń arasynda kósh bastaıdy», - deıdi SQO sanıtarııalyq-epıdemıologııalyq baqylaý departamentiniń bas mamany Aınash Saǵandyqova.
Sanıtar dárigerlerdiń aıtýynsha, botýlızm deregi kóbinese úıde konservilengen sańyraýqulaqtardy qoldanýmen baılanysty tirkeledi. Aldyn alý úshin úıde konservileý kezinde sanıtarlyq-gıgıenalyq talaptardy oryndaý qajet.
«Botýlızm toksıni bar konservilerdi syrtynan qarap aıyrý múmkin emes. ıAǵnı, syrtqy túrin de, ıisin de, dámin de ózgertpeıdi. Taǵamnyń ýly ekenin salynǵan ydystyń úrlengen qaqpaǵynan ǵana bilýge bolady. Sańyraýqulaq topyraqtan tolyq tazartylmaǵan jaǵdaıda, botýlızm sporalary saqtalýy múmkin. Sapasyz dep qaýiptengen taǵamdardy, irimshiktiń nemese aşy maıdyń ótkir ıisi bar taǵamdardy qoldanýǵa bolmaıdy. Úıde konserviler salqyn jerde saqtalýy tıis», - deıdi mamandar.
Esterińizge salaıyq, ótken demalys kúnderi Petropavlda sańyraýqulaq jegen eki áıel ýlanyp aýrýhanaǵa túsken edi. Bireýin ókpeni jasandy jeldetý apparatyna qosýǵa týra keldi.