SQO-da jyl basynan beri alty kólik órtendi

<p>PETROPAVL. KAZINFORM &ndash; Soltústik Qazaqstan oblysynda avtokóliktegi órt jıiledi. Byltyr 76 tehnıka órtke oransa, bıyl 6 mashına, sonyń ishinde bir júk kóligi janyp ketti.</p>

SQO Tótenshe jaǵdaılar departamenti baspasóz qyzmetiniń málimetinshe, ótken jyly 20 júk kóligi, 54 jeńil jáne 2 aýyl sharýashylyǵy tehnıkasy órtke oranǵan. Negizgi sebep - qozǵaltqysh bólimindegi qysqa tuıyqtalý.

17 qańtarda Petropavldaǵy Volodarovskıı kóshesi, 75 meken-jaıynda aýlada turǵan Toyota Camry markaly avtomobıl órtendi. Jalyn motordan shyqqan.

Foto: SQO TJD

«Mashına orta eseppen 5-10 mınýt ishinde tolyq janyp ketedi, sondyqtan neǵurlym tezirek órtti sóndirý qajet. Eger kólik tútindeı bastasa, birden jol jıegine toqtaý qajet. Kıim-keshekpen nemese basqa zatpen otty sóndirýge tyryspańyz, bul kóp jaǵdaıda ýaqytty ysyrap etedi jáne jaraqat alýyńyz múmkin.

Órt sóndirgishsiz órtti sóndirý múmkin emes. Onyń aǵysyn janý oshaǵyna baǵyttaý qajet. Órt qozǵaltqysh bóliminen shyqsa, mashına kapotyn birtindep jáne óte muqııat ashý qajet. Jalyn lap etpeýi úshin saqtyq sharasyn umytpańyz.

Siz jalyndy brezentpen jaýyp, qum, topyraq laqtyra alasyz. Kóliktiń jalyndaǵan bólikterine kúshpen laqtyrylǵan plastıkalyq sý paketi de tıimdi. Eger siz maıly kıimde bolsańyz nemese benzınmen lastanǵan bolsańyz, órtti sóndirýge bolmaıdy», - deıdi órt sóndirýshiler.