SQO-da jekeshelendirý esebinen 129 mln teńge únemdeldi

PETROPAVL. QazAqparat - Soltústik Qazaqstan oblysynda 37 uıym, sonyń ishinde 24 kommýnaldyq jáne 13 aktsıonerlik qoǵam - «Soltústik» áleýmettik-kásipkerlik korporatsııasy» ulttyq kompanııasy» jekeshelendirýge qoıyldy, dep habarlaıdy «QazAqparat» HAA tilshisi.

Qarjy basqarmasy basshysynyń orynbasary Natalıa Dyshkant 2016 jyldan bastap 74 mıllıon teńge somasynda 15 uıym jekeshelendirilgendigin málim etti.

«Jekeshelendirý nátıjesinde 129,6 mıllıon teńge ákimshilik shyǵyn qysqarǵan. Sonymen qatar, 2016-2017 jyldary jańa kásiporyndar men mekemeler qurylǵan», - dedi N. Dyshkant.

Oblys ákimi Qumar Aqsaqalovtyń pikirinshe, bulaı bolýy múmkin emes, sebebi memleket bıýdjetiniń shyǵynyn kóbeıtý emes, qysqartý kerek.

«Menedjment nashar. Jyl saıyn memlekettik shyǵyn qysqarýy tıis. Barlyq álem osylaı jumys isteıdi. Memleket bilim berý, medıtsına salalaryn qarjylandyryp, mádenıetti qoldaýy qajet», - dedi Q.Aqsaqalov.

Onyń pikirinshe, turǵyndardy atalmysh jekeshelendirýdiń 90-jyldardaǵydaı emes ekendigin túsindirip, jekeshelendirilgen kásiporyndardyń qalaı jumys isteıtindigin kórsetý kerek.

«Únemdelgen qarjyny bilim berýge, medıtsınaǵa baǵyttaı alamyz. Jyl saıyn bul qarjy artyp otyrýy tıis», - dep atap ótti Q. Aqsaqalov.