SQO-da jedel járdemge jarty jylda 76 myń qońyraý túsken, 31-i jalǵan bolyp shyqty

PETROPAVL. QazAqparat – Soltústik Qazaqstan oblysynda jyl basynan jedel járdem qyzmetine 31 ret jalǵan shaqyrtý túsken. Qońyraý shalǵandarǵa ákimshilik materıal jınaldy, dep habarlaıdy QazAqparat tilshisi.

SQO jedel medıtsınalyq qyzmet ortalyǵynyń málimetinshe, ótken jarty jylda 103 nómirine 75 945 shaqyrtý túsken.

Onyń 31-i jalǵan bolyp shyqqan.

«Jalǵan shaqyrtýlardy birneshe sanatqa bólýge bolady, sonyń biri - mekenjaıdy durys bermeý, esikti ashpaý, zardap shegýshiniń jaǵdaıyn durys baǵalamaý nemese jedel járdem qyzmetin shaqyryp, telefondy óshirip tastaý. Taǵy bir jaǵdaıda ótip bara jatqandar syrqattarǵa jedel járdem kóligin kóshede, aıaldamada, aýlalarda shaqyrady, biraq kómektiń kelýin kútpeı ketip qalady. Sondaı-aq, balalar nemese mas adamdar, esirtki, psıhotropty zat qoldanǵandar shaqyrady. Mundaı jaǵdaıda jedel medıtsınalyq kómek ortalyǵynyń zań qyzmeti jalǵan habarlasqannyń áreketinen ákimshilik quqyqbuzýshylyqty anyqtaý jumysyn júrgizip, jınalǵan materıaldy ákimshilik polıtsııaǵa joldaıdy», - deıdi ortalyq qyzmetkerleri.

Arnaıy qyzmetterdi – órt sóndirý, polıtsııa, jedel járdem, apattyq qyzmetterdi kópe-kórineý jalǵan shaqyrý úshin jeke tulǵalarǵa 30 AEK mólsherinde aıyppul bar.

«Jedel medıtsınalyq qyzmet dıspetcherleri men brıgadalaryna balaǵat sóz aıtqandarǵa da jaza bar. Bul usaq buzaqylyq dep esepteledi. ıAǵnı, qoǵamdyq oryndarda balaǵat sózder aıtý, jeke tulǵalardy qorlaý, jalpyǵa ortaq paıdalanylatyn oryndardyń, saıabaqtardyń, skverlerdiń lastanýy, onyń ishinde belgilenbegen oryndarda kommýnaldyq qaldyqtardyń shyǵarylýy jáne basqalarǵa qurmetsizdik bildiretin, qoǵamdyq tártipti buzatyn jáne jeke tulǵalardyń tynyshtyǵyn bildiretin basqa da osyndaı áreketter 10 AEK mólsherinde aıyppul salýǵa ákep soǵady nemese on táýlikke deıingi merzimge ákimshilik qamaqqa alý qarastyrylǵan», - deıdi ortalyq qyzmetkerleri.